ខេត្ដពោធិ៍សាត់ ៖ ប្រជាពលរដ្ឋខ្មែរ ម្នាក់ក្នុងចំណោម៦នាក់ត្រូវទាហានថៃ បាញ់ឱ្យរងរបួស ហើយបានស្លាប់ពេល អ្នករួមដំណើរជាមួយសែងចូលទឹកដី កម្ពុជាវិញ បន្ទាប់ពីពួកគេបានឆ្លងចូល ជ្រៅក្នុងទឹកដីថៃត្រង់ច្រកអូរភ្លុកដំរី ក្នុង ឃុំថ្មដា ស្រុកវាលវែង ដើម្បីកាប់ឈើ គ្រញូង ។
ប្រភពព័ត៌មានពីនគរបាលវរៈការ ពារព្រំដែនគោកលេខ៨២៥ ប្រចាំទិស ថ្មដា បានឱ្យដឹងថា ហេតុការណ៍ដែល ទាហានឈុតខ្មៅថៃបាញ់មកលើពលរដ្ឋ កម្ពុជាដែលឆ្លងចូលទៅកាប់ឈើគ្រញូង នោះបានកើតឡើងកាលពីវេលាម៉ោង៩ និង១០នៅទីយប់ថ្ងៃទី៥ ខែមិថុនា ឆ្នាំ ២០១៣ នៅចំណុចទឹកដីថៃក្នុងភូមិតា សេន ឃុំឡែនកាប់ ស្រុកហឿង ខេត្ដត្រាត ដែលមានចម្ងាយ៣គីឡូម៉ែត្រពីព្រំដែន កម្ពុជា ។ ជនរងគ្រោះដែលបានស្លាប់ នោះមានឈ្មោះសាំង ស្រីយ៉ា ភេទប្រុស អាយុ៣៦ឆ្នាំ មានទីលំនៅភូមិដីក្រហម ឃុំអន្លង់រាប ស្រុកវាលវែង ។
ប្រភពព័ត៌មានបានឱ្យដឹងថា ក្នុង រយៈពេលប៉ុន្មានថ្ងៃនេះនៅចំណុចឃុំថ្មដា មានភ្លៀងធ្លាក់ជាប់រហូត ហើយក្នុងពេល ដែលអ្នកកាប់ឈើគ្រញូងទាំង៦នាក់ធ្វើ សកម្មភាពនោះ ស្រាប់តែទាហានថៃ បានចាប់មនុស្ស៣នាក់ចង ។ ឃើញដូច នោះបុរសរងគ្រោះសាំង ស្រីយ៉ា បានរត់ ពេលនោះទាហានថៃក៏បាញ់រះប្រហែល ៩គ្រាប់បណ្ដាលឱ្យ សាំង ស្រីយ៉ា រងរបួស ត្រង់ខ្នង ។ ឃើញដូច្នោះទាហានថៃក៏ បានស្រាយចំណងបុរស៣នាក់នោះហើយ ឱ្យសែងជនរងគ្រោះត្រឡប់មកទឹកដី កម្ពុជាវិញ ។ ពេលមកដល់ភូមិឯកភាព ជនរងគ្រោះក៏ដាច់ខ្យល់ស្លាប់ ។ រីឯ២នាក់ ទៀតក៏រត់ចូលទឹកដីកម្ពុជាទាំងព្រលឹង ចុងសក់ ។
ប្រភពព័ត៌មានឱ្យដឹងទៀតថា មនុស្ស ៦នាក់ដែលលបចូលទៅកាប់ឈើគ្រញូង ក្នុងទឹកដីថៃនោះគឺមាន៣នាក់មកពីឃុំ អន្លង់រាប និង៣នាក់ទៀតរស់នៅភូមិ សង្គមថ្មី ឃុំថ្មដា ស្រុកវាលវែង ។ ប្រភព បន្ដថា ក្នុងចំណោមអ្នកទាំង៦នាក់នោះ មានម្នាក់ជាយោធានៅវរៈការពារព្រំ ដែនលេខ៥០៨ ឈ្មោះជា សុភ័ក្ដិ ហៅ ជ័យ ។ ឈ្មោះជា សុភ័ក្ដិ ហៅជ័យនេះ គឺ ជាអ្នកនាំពលរដ្ឋ៥នាក់នោះទៅកាប់ឈើ គ្រញូងក្នុងទឹកដីថៃនេះ ។
កន្លងមកសមត្ថកិច្ចនៅតាមព្រំដែន ធ្លាប់បានចាប់ឃាត់ខ្លួនអ្នកដែលឆ្លងចូល ទៅកាប់ឈើគ្រញូងក្នុងទឹកដីថៃជាច្រើន នាក់ហើយបានអប់រំឱ្យវិលត្រឡប់ទៅផ្ទះ វិញផងដែរ ៕
ប្រភពពី៖ នគរវត្ត
0 comments:
Post a Comment