មន្ត្រីសហជីពសេរីកម្មករនៃព្រះរាជាណាចក្រកម្ពុជា ឲ្យដឹងថា កម្លាំងសមត្ថកិច្ច និងមន្ត្រីកងរាជអាវុធហត្ថខេត្តកំពង់ស្ពឺ ជាច្រើនរយនាក់ បានវាយបង្ក្រាបក្រុមកូដករជាកម្មកររោងចក្រកាត់ដេរ សាប្រ៊ីណា (Sabrina) ឲ្យរងរបួសជាច្រើននាក់ និងបានចាប់ខ្លួនមន្ត្រីសហជីព ៣នាក់ នៅព្រឹកថ្ងៃទី៣ ខែមិថុនា។
មន្ត្រីសហជីពដែលត្រូវសមត្ថកិច្ចចាប់ខ្លួនទាំង ៣នាក់នោះ គេនៅមិនទាន់ដឹងថា ត្រូវបញ្ជូនទៅទីណានៅឡើយទេ។
កញ្ញា យ៉ុង លាភ មន្ត្រីសហជីពសេរី បញ្ជាក់ថា ការផ្ទុះហិង្សានោះកើតឡើងកាលពីវេលាម៉ោង ៩ និង ៣០នាទី ដល់ម៉ោង ១០ និង ៣០នាទី បន្ទាប់ពីសមត្ថកិច្ចនិងកងរាជអាវុធហត្ថបានទៅដកហូតយកមេក្រូពីកម្មករ ហើយកម្មករបានទៅសុំយកមេក្រូនោះមកវិញ ទើបមានការប៉ះទង្គិចគ្នាតែម្ដង។
មន្ត្រីរូបនោះបញ្ជាក់ថា រហូតដល់ម៉ោង ១១ព្រឹកនេះ ក្រុមកូដករបានរំសាយ ហើយមន្ត្រីសហជីពកំពុងតាមដានស្រាវជ្រាវស្វែងរកកម្មកររងរបួស និងមន្ត្រីសហជីពដែលត្រូវបានចាប់ខ្លួន។
___________ប្រភពពី៖ RFA
0 comments:
Post a Comment