បាត់ដំបង: ភ្លើងកំពុងឆាបឆេះផ្ទះមួយខ្នងយ៉ាងពេញទំហឹង នៅភូមិសូភី២ សង្កាត់រតនៈ ក្រុងបាត់ដំងង ខេត្តបាត់ដំបង កាលពីវេលាម៉ោង១១និង៣០នាទីថ្ងៃទី៣ ខែមិថុនា ឆ្នាំ២០១៣នេះ។
គេពុំទាន់ដឹងថា ក្រុមពន្លត់អគ្គិភ័យរបស់ប៉ូលិសខេត្តបាត់ដំបង អាចជួយទប់ស្កាត់កម្លាំងភ្លើងមិនឲ្យឆាបឆេះរាលបានឬយ៉ាងណានោះទេ។
តាមប្រភពព័ត៌មានពីអ្នករស់នៅជិតខាង បាននិយាយថា នៅវេលាម៉ោងជាង១១ថ្ងៃត្រង់នោះ គឺពួកគាត់កំពុងហូបបាយ ស្រាប់តែធុំក្លិនឆ្ងៀមហើយងាកទៅមើលខាងក្រៅផ្ទះ ស្រាប់តែឃើញផ្សែងខ្មៅហុយឡើងលើមេឃ និងឃើញអណ្ដាតភ្លើងឆាបឆេះពេញទំហឹងតែម្ដង។ នៅពេលភ្លើងឆាបឆេះនោះ គឺមនុស្សម្នាភ័យព្រួយពីការឆេះរាលដាលដល់ផ្ទះពួកគាត់ រវល់តែរត់ទៅរកទឹកមកជួយពន្លត់ភ្លើង និងជាស់ជញ្ជាំងផ្ទះខ្លួនឯង ការពារកុំឲ្យភ្លើងឆេះរាលមក។ នៅក្នុងផ្ទះជនរងគ្រោះ ក៏ពុំទាន់ដឹងថា ឆេះមកពីមូលហេតុអ្វីបង្កឲ្យកើតភ្លើងឆេះទេ ហើយមានមនុស្សម្នាក់រងគ្រោះ។
ឡានទឹកពន្លត់អគ្គិភ័យប៉ូលិសខេត្តបាត់ដំបងចំនួន ២ គ្រឿងបានមកជួយបាញ់ទប់ស្កាត់ និងពន្លត់កម្លាំងភ្លើងឆេះភ្លាមៗដែរ ប៉ុន្តែគេពុំទាន់ដឹងថា អាចជួយទប់ស្កាត់បានដែរឬអត់៕
_____________ប្រភពពី៖ cambodiapage.info
0 comments:
Post a Comment