គណបក្ស​សង្គ្រោះ​ជាតិ​មិន​បង្កើត​រដ្ឋា​ភិបាល​ចម្រុះ​ជាមួយ​គណបក្ស​ប្រជាជន​កម្ពុជា​ទេ

ភ្នំពេញ — គណបក្ស​សង្គ្រោះ​ជាតិ​បាន​ប្រកាស​ជំហរ​ដាច់​ខាត​របស់​ខ្លួន​ថា​ នឹង​មិន​បង្កើត​រដ្ឋា​ភិបាល​ចម្រុះ​ជាមួយ​គណបក្ស​ប្រជាជន​កម្ពុជា​ដែល​កាន់​ អំណាច​យូរ​នោះ​ទេ។​លោក​ យឹម ​សុវណ្ណ ​អ្នក​នាំ​ពាក្យ​គណបក្ស​ជំទាស់​មាន​ប្រសាសន៍​ថា ​ជំហរ​នេះ​ត្រូវ​បាន​សម្រេច​ក្នុង​រយៈ​ពេល​ចុង​ក្រោយ​នេះ។​ [....]

4:54 AM
​ភ្នំពេញៈ​ តារា​សម្តែង​សម្បុរ​ស្រអែម​ ក​ញ្ញ​ នី​ មុនីនាថ​ និង​ម្តាយ​នាង​ បាន​ចេញ​មុខ​បដិសេធ​ភ្លាមៗ​ ទាំង​ខឹងសម្បា​ ដែល​ថា​ ថ្មីៗ​នេះ​គេ​ល្បី​ថា​ ភ្ជាប់ពាក្យ​ស្ងាត់ៗ​ និង​ត្រៀម​ រៀប​ការ​ខែធ្នូ​២០១៣​ ។​ ហើយ​អ្នក​ម្តាយ​បាន​បញ្ជាក់​ថា​ ៥​ឆ្នាំ​ទៀត​ ទើប​ឱ្យ​កូន​គាត់​រៀប​ការ​។​
​ក្រោយ​លេចឮ​ថា​ ភ្ជាប់ពាក្យ​ស្ងាត់ៗ​ជាមួយ​អាណិកជន​រស់នៅ​សហរដ្ឋអាមេរិក​ ហើយ​ត្រូវ​នាង​ និង​ម្តាយ​ ច្រានចោល​ទាំង​ខឹងសម្បា​ថា​ មិនមែន​ជា​ការ​ពិត​នោះ​ទេ​ ។​ បន្ទាប់​មក​គេ​ល្បី​ថា​ នី​ មុនីនាថ​ ត្រៀម​រៀប​ការ​ នៅ​ខែធ្នូ​ ២០១៣​ ដូច​ សា​រ៉ា​យ​ ស​ក្ខ​ណា​ មិត្តភក្តិ​នាង​ដែរ​ ។​
​បើ​តាម​អ្នកស្រី​ឆា​លី​ ម្តាយ​ នី​ មុនីនាថ​ បាន​បញ្ជាក់​ប្រាប់​ជំនួស​កូនស្រី​ថា​ ជា​ការ​យល់​ច្រឡំ​ទៅ​វិញ​ ព្រោះ​សា​រ៉ា​យ​ ស​ក្ខ​ណា​ ទេ​ ដែល​ត្រៀម​រៀប​ការ​ខែធ្នូ​២០១៣​នេះ​ ហើយដោយ​សារ​តែ​មុនីនាថ​ និង​ ស​ក្ខ​ណា​ ជា​មិត្តភក្តិ​ ទើប​គេ​មានការ​យល់​ច្រឡំ​បែប​នេះ​។​
​អ្នកស្រី​ក៏​បាន​បញ្ជាក់​ជា​ថ្មី​ថា​ “​រឿង​អា​នាថ​ គឺ​គង់តែ​រៀប​ការ​ទេ​ តែ​មិនមែន​ពេល​នេះ​ ឡើយ​ ។​ ខ្ញុំ​សូម​បញ្ជាក់​ថា​ នៅ​ក្នុង​កាលៈទេសៈ​បែប​នេះ​ ចំពោះ​អា​នាថ​ គឺ​សូមកុំ​និយាយ​រឿង​រៀប​ការ​ឱ្យ​សោះ​ ព្រោះ​ពេល​នេះ​ អា​នាថ​ នាង​កំពុង​តែ​មមាញឹក​រឿង​ការងារ​សិល្បៈ​ ណាស់​។​ ដូច​ឃើញ​ស្រាប់​ហើយ​ ពេល​នេះ​ អា​នាថ​ ស្បែក​ក៏​ខ្មៅ​ស្រអាប់​ ចុះ​ស្គម​ មើលទៅ​បាត់បង់​សម្រស់​ច្រើន​ មិន​ដូច​ពី​មុន​ទេ​ ដោយសារ​តែ​សព្វ​ថ្ងៃនេះ​ ការងារ​បន្ត​គ្នា​រហូត​ ប្រឹង​ថត​ទាំង​យប់​ទាំង​ថ្ងៃ​ គេង​បាន​តិចតួច​ប៉ុណ្ណោះ​ ។​ តែ​ធ្វើ​ម៉េច​ទាន់​មានឱកាស​ចេះ​តែ​ ខំប្រឹង​ទៅ​ លុះត្រាតែ​បង់​រំលស់​ផ្ទះ​ ហើយ​រួចរាល់​ទើប​ធូរចិត្ត​ មិនសូវ​ខំ​រក​ដូច​ពេល​នេះ​ក៏​ បាន​”​។​
​អ្នក​ម្តាយ​រូប​នេះ​ក៏​បាន​បញ្ជាក់​យ៉ាង​ច្បាស់​ថា​ «​ដើម្បី​កុំឱ្យ​មាន​មន្ទិល​សង្ស័យ​បន្ត​ទៅ​ ទៀត​ រឿង​អា​នាថ​ រៀប​ការ​អ្វី​នោះ​ ខ្ញុំ​ប្រាប់​ថា​ ៥​ឆ្នាំ​ទៀត​ ទើប​ខ្ញុំ​ឱ្យ​កូនស្រី​ខ្ញុំ​ អា​នាថ​ រៀប​ការ​ ដោយ​គ្មាន​ការ​លាក់លៀម​អ្វី​ទាំងអស់​ ។​ ព្រោះ​រឿង​រៀប​ការ​មិនមែន​ជា​រឿង​អាក្រក់​ តាម​ពិត​ វា​ជា​រឿង​សប្បាយចិត្ត​ទៅ​វិញ​ទេ​ ។​ ព្រោះ​មនុស្ស​យើង​កើតមក​តែង​ប្រាថ្នា​ចង់​រៀប​ការ​ តាម​ទំនៀមទម្លាប់​ប្រពៃណី​ត្រឹមត្រូវ​ទៅ​តាម​ច្បាប់​ សម្រាប់​ឆាកជីវិត​ជា​លើក​ដំបូង​ គឺ​សំខាន់​ ណាស់​រឿង​រៀប​ការ​នេះ​ ។​ ហើយ​សព្វ​ថ្ងៃនេះ​ អា​នាថ​ មិន​មាន​ម្ចាស់​បេះដូង​អ្វី​ទេ​ គឺ​នៅ​ទំនេរ​ទទេ​ស្អាត​ណាស់​ តែ​ក៏​មិន​អត់​អ្នក​តាម​ស្រលាញ់​ដែរ​ គ្រាន់តែ​មិន​ទាន់​គិត​ នៅ​ពេល​នេះ​ »​។​

​សូម​រំលឹក​ថា​ នៅ​ក្នុង​ពិភព​សិល្បៈ​ កញ្ញា​ នី​ មុនីនាថ​ ជាតា​រា​ឯក​លេចធ្លោ​មួយ​ដួង​ ដែល​ក្រសោប​បាន​តំណែង​តួឯក​រឿង​ភាគ​ជា​បន្តបន្ទាប់​ ហើយ​នាង​ចាប់ផ្តើម​ល្បីឈ្មោះ​ខ្លាំង​ បន្ទាប់​ពី​បាន​សម្តែង​រឿង​ភាគ​ “​ផ្កា​ក្នុង​ផ្កា​”​ របស់​ អ្នកស្រី​ពាន់​ ភួង​បុប្ផា​ ចាក់​ផ្សាយ​ តាម​កញ្ចក់​ទូរទស្សន៍​ស៊ី​ធី​អិន​ ។​ តារា​ស្រអែម​ស្រស់​រូប​នេះ​ក៏​ជា​តារា​បង្ហាញ​ម៉ូ​ដ​ក្នុង​ក្រុម​ Cambodia​ Super​ Models​ ផង​ដែរ​ ។​ វិ​រៈ​
71422_289871837813735_1663050675_n

301591_495473860489793_1839637466_n

IMG_4702


ប្រភពពី៖ ABC+