ភ្នំពេញ ៖ រថយន្តពីរគ្រឿង ត្រូវរងនៅការខូចខាត ក្នុងខណៈដែលរថយន្តទាំងពីរគ្រឿងនេះបើកបរក្នុងល្បឿន លឿនហើយរេចង្កូតបុកគ្នាយ៉ាងពេញទំហឹង នៅតាមបណ្តោយផ្លូវលេខ១៦៣ មុខវត្តសំពៅមាស សង្កាត់បឹងព្រលិត ខណ្ឌ ៧មករា កាលពីវេលាម៉ោង ២២ នឹង ០០ នាទីយប់ថ្ងៃទី ២៧ ខែមិថុនា ឆ្នាំ ២០១៣ ។
យោងតាមសេចក្តីរាយការណ៍ពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញ រថយន្តមួយគ្រឿងម៉ាក BMW ពណ៌ខ្មៅ ពាក់ស្លាកលេខ ភ្នំពេញ2V 3666 បើកបរដោយបុរសម្នាក់វ័យជាង ៣០ ឆ្នាំ តាមបណ្តោយផ្លូវលេខ ១៦៣ ក្នុងទិសដៅពីត្បូងទៅជើង ដោយបានបើកក្នុងល្បឿនយ៉ាងលឿន ខណៈ មកដល់ចំណុចផ្លូវកោងខាងមុខវត្តសំពៅមាស ក៏បានរេចង្កូតបុកគ្នាជាមួយនឹងរថយន្តមួយគ្រឿងទៀតម៉ាក ឡិចស៊ិស RX300 ពណ៌ខ្មៅ ពាក់ស្លាកលេខ ភ្នំពេញ2M 6924 ដែលកំពុងបើកបរក្នុងទិសដៅបញ្ច្រាសទិស គ្នា ជាមួយនឹងរថយន្ត BMW ។ប្រភពដដែលបានបន្តថាក្នុងហេតុការណ៍នេះបណ្តាលឲ្យរថយន្តទាំងពីរគ្រឿងត្រូវរង នៅការខូចខាតទាំងស្រុង លើសពីនេះអ្នករួមដំណើរក្នុងរថយន្តឡិចស៊ិស ចំនួន ៦ នាក់ មានម្នាក់ជាស្រីវ័យជាង ១០ ឆ្នាំ ត្រូវរងរបួសធ្ងន់ធ្ងរ បានរថយន្តសាមុយមកដឹកយកទៅសង្គ្រោះនៅមន្ទីរពេទ្យភ្លាមៗ ។ ចុចអានបន្ត
