ខេត្តកំពង់ឆ្នាំង ៖ កម្លាំងប៉ូលិសព្រហ្មទណ្ឌ កម្រិតធ្ងន់នៃស្នងការដ្ឋាននគរបាលខេត្ត សហការជាមួយមន្ត្រីប៉ូលិស ស្រុក និងប៉ូលិសមូលដ្ឋានបានចុះស្រាវជ្រាវចាប់ឃាត់ខ្លួនបុរសចំណាស់ ល្មោភកាមតណ្ហាម្នាក់ កាលពីព្រឹកថ្ងៃទី០៨ ខែមិថុនា ឆ្នាំ២០១៣ នៅភូមិបឹង កក់ ឃុំលង្វែក ស្រុកកំពង់ត្រឡាច បន្ទាប់ពីបុរសរូបនោះ បានធ្វើសកម្មភាពចាប់រំលោភក្មេងស្រីអាយុ១៤ឆ្នាំម្នាក់រហូតបានសម្រេច នៅចំណុចព្រៃធ្នុងតាមុំ ស្ថិតក្នុងភូមិ-ឃុំខាងលើ។
បើតាមការបញ្ជាក់របស់សមត្ថកិច្ចមូលដ្ឋានបានឲ្យដឹងថា បុរសចំណាស់ដែលល្មោភកាមតណ្ហា មិនស្គាល់គុកច្រវាក់ ម្នាក់នោះមានឈ្មោះ តឹប ស អាយុ៧០ឆ្នាំ មានទីលំនៅភូមិបឹងកក់ ឃុំលង្វែក ស្រុកកំពង់ត្រឡាច ជាអ្នកចាំចំការឱ្យគេ ចំណែកកុមារីរងគ្រោះឈ្មោះស.រ អាយុ១៤ឆ្នាំ មានទីលំនៅភូមិ-ឃុំកើតហេតុ។
សូមបញ្ជាក់ថា បុរសល្មោភកាមរូបនេះធ្លាប់មានប្រពន្ធ២នាក់ តែស្លាប់អស់ហើយ ហើយបច្ចុប្បន្ននេះមានប្រពន្ធម្នាក់ទៀតអាយុ២៧ឆ្នាំ កំពុងមានផ្ទៃពោះជិតគ្រប់ខែ។ បច្ចុប្បន្នជនល្មើសខាងលើ ត្រូវបានសមត្ថកិច្ចឃុំខ្លួនជាបណ្តោះអាសន្ន ដើម្បីរង់ចាំធ្វើការសាកសួរបន្តទៀត៕
ប្រភពពី៖ cambodiapage.info
0 comments:
Post a Comment