សម្ដេចនាយករដ្ឋមន្ត្រី បានថ្លែងបញ្ជាក់ជាថ្មីទៀតកាលពីព្រឹកមិញ ទៅដល់ពលរដ្ឋកម្ពុជាទូទាំងប្រទេសឲ្យធ្វើការពិចារណា មុនសម្រេចចិត្តធ្វើការបោះឆ្នោតជ្រើសរើស គណបក្សនយោបាយណាមួយ នាពេលបោះឆ្នោតជាតិថ្ងៃទី ២៨ ខែ កក្កដា ខាងមុខ ព្រោះការបោះឆ្នោតខុសនឹងនាំឲ្យមានគ្រោះមហន្តរាយដល់ប្រទេស ។
ពីពិធីសម្ពោធអាគារសិក្សានៃ វិទ្យាល័យ ហ៊ុន សែន ព្រែកអំបិល និង ផ្លូវលំ ក្នុងស្រុកស្អាងខេត្តកណ្ដាល សម្តេច ហ៊ុន សែន បានមានប្រសាសន៏ថា ” បើសិនជាការបោះឆ្នោតជ្រើសរើស មេឃុំ ខុស វាមានផលប៉ះពាល់ត្រឹមតែមួយឃុំប៉ុណ្ណោះ ពុំមានអ្វីធ្ងន់ធ្ងរទេ ហើយគណបក្សដែលមានសមាជិករបស់ខ្លួនជាមេ ឃុំ ឬ ជា ចៅសង្កាត់ ដែលរកឃើញថា មេឃុំ ឬ ចៅសង្កាត់នោះធ្វើខុសគេនឹងអាចផ្លាស់ប្ដូរភ្លាម …។ ប៉ុន្តែការបោះឆ្នោតជាតិនៅពេលខាងមុខ គឺការបោះឆ្នោតតំណាងរាស្ត្រ លទ្ធផលរបស់វានឹងចេញទៅជាការ ជ្រើសរើងនាយករដ្ឋ ជ្រើសរើសរាជរដ្ឋាភិបាល ដែលជាអ្នកកាច់ចង្កូតប្រទេសតែម្ដង ។ វាខុសគ្នាត្រង់ថា បើសិនជាបោះឆ្នោតមេឃុំខុស អាហ្នឹងជាបញ្ហាប៉ះពាល់តែមួយឃុំទេ ហើយគេអាចផ្លាសប្ដូរបានភ្លាមៗ ប៉ុន្តែ បើសិនជាការបោះឆ្នោត ជ្រើសរើសបក្សនយោបាយខុស ជ្រើសរើសនាយករដ្ឋមន្ត្រីខុស វាជាមហន្តរាយ សម្រាប់ប្រទេសតែម្ដង , ព្រោះថាអំណាចធំបំផុត នៅលើនាយករដ្ឋមន្ត្រី នេះ ឯង. ..”។
ជាមួយគ្នាសម្ដេចក៏បានរំឭកផងដែរថា មានតែគណបក្សប្រជាជនកម្ពុជាទេ ដែលបានជួយរំដោះប្រជាពលរដ្ឋខ្មែរឲ្យរួចផុតពីការកាប់សម្លាប់នៃរបបខ្មែរក្រហម និង រួមសុខ រួមទុក្ខជាមួយប្រជាពលរដ្ឋ ៕
ប្រភពពី៖ RFA
0 comments:
Post a Comment