ភរិយារបស់អតីតតារាសម្ដែងលោក ស៊ុក សុភា គឺអ្នកនាង សារីណា បានចេញមុខមកវាយបកទៅបណ្តាអ្នកដែលជេរប្រមាថស្វាមីរបស់ខ្លួន ខណៈតារារូបនេះ បាន និងកំពុងទទួលរងការវាយប្រហារដោយពាក្យសម្ដីប្រមាថមើលងាយ ពីសំណាក់អ្នកប្រើប្រាស់បណ្ដាញសង្គមមួយចំនួន។
ប្រតិកម្ម របស់អ្នកនាង សារីណា នេះ គឺកើតមានរំលងតែមួយថ្ងៃប៉ុណ្ណោះ បន្ទាប់ពីស្វាមីរបស់អ្នកនាង គឺលោក ស៊ុក សុភា បានចូលរួមក្នុងបាតុកម្មអហិង្សាមួយកាលពីថ្ងៃទី០៩ កន្លងទៅនេះ ហើយត្រូវបានប្រិយមិត្តអ្នកប្រើប្រាស់បណ្ដាញសង្គមមួយចំនួនជេរ ប្រមាថ ក្នុងនោះ ពួកគេលើកឡើងថា លោក ស៊ុក សុភា នឹងជួបការប្រឈមជាមួយបងប្អូនខ្មែរនៅក្រៅស្រុកទៀតផង។
ប្រតិកម្ម របស់អ្នកនាង សារីណា នេះ គឺកើតមានរំលងតែមួយថ្ងៃប៉ុណ្ណោះ បន្ទាប់ពីស្វាមីរបស់អ្នកនាង គឺលោក ស៊ុក សុភា បានចូលរួមក្នុងបាតុកម្មអហិង្សាមួយកាលពីថ្ងៃទី០៩ កន្លងទៅនេះ ហើយត្រូវបានប្រិយមិត្តអ្នកប្រើប្រាស់បណ្ដាញសង្គមមួយចំនួនជេរ ប្រមាថ ក្នុងនោះ ពួកគេលើកឡើងថា លោក ស៊ុក សុភា នឹងជួបការប្រឈមជាមួយបងប្អូនខ្មែរនៅក្រៅស្រុកទៀតផង។
តប នឹងការវាយប្រហារនេះ អ្នកនាង សារីណា បានសរសេរជាភាសាខ្មែរនៅលើ Wall របស់អ្នកនាង ក្នុងទិដ្ឋភាពដើមយ៉ាងដូច្នេះ “សម្លឆ្ងាញ់ដោយសារទ្រង់គ្រឿង មេផ្ទះរុងរឿងដោយសារភរិយា ដរាបណាខ្ញុំនៅមានឈ្មោះជាភរិយារបស់គាត់ ខ្ញុំមិនឲ្យនរណាមកជាន់ឈ្លីកិត្តិយសគាត់ជាដាច់ខាត។ ចាំមើលតើគាត់ត្រូវអ្នកក្រៅប្រទេសទទួលស្វាគមន៍គាត់ដោយវិធីណា ខ្លះ? ហើយអ្នកសរសេរពិតជាមិនខុសទេ មានមនុស្សរាប់សិបលាននាក់កោតសរសើរគាត់ ហើយឥឡូវមានមនុស្សប្រហែលជាជាង១០០នាក់ទេ ដែលប្រមាថមើលងាយគាត់ ដោយសារគេមិនយល់ដឹងពីការពិត។ គាត់គ្មានអ្វីត្រូវបកស្រាយទាំងអស់”។
មតិវាយបកការពារស្វាមីរបស់អ្នកនាង សារីណា លើការរិះគន់
ឧត្ដម ភរិយា រូបនេះ បានបន្ថែមដូច្នេះទៀតថា ៖ “គ្មានការបកស្រាយអ្វីទាំងអស់ព្រោះថា ប្ដីខ្ញុំមិនមែនឆ្កែដូចអ្នកថា។ បើអ្នកអស់ហ្នឹងខ្លាំងពូកែមែន ម្ដេចមិនហៅមេរបស់គាត់អញ្ចឹងដែរទៅ? ម្ដេចបានត្រឹមតែគាត់? មួយទៀតដែលខ្ញុំឆ្ងល់ ពេលដែលគាត់បង្ហោះរូបជួយប្រជាជន ម្ដេចមិនចេញមកជេរមកថាឲ្យដែរទៅ? ម្ដេចស្ងាត់មាត់ឈឹងអញ្ចឹង?”។
ជាមួយនឹងប្រតិកម្មនេះដែរ ក៏មានប្រិយមិត្តខ្លះ ក៏បានសម្ដែងមតិគាំទ្រ អ្នកនាង សារីណា និងស្វាមី លោក ស៊ុក សុភា ដែរ ក្នុងនោះ ពួកគេ(ប្រិយមិត្តលើបណ្តាលសង្គម) ថ្លែងថា នោះគឺជាសិទ្ធិរបស់លោក ស៊ុក សុភា ក្នុងនាមជាពលរដ្ឋខ្មែរមួយរូប ដែលលោកមានសិទ្ធិក្នុងការស្តែងចេញពីឆន្ទៈផ្ទាល់ខ្លួន ក៏ដូចជាសកម្មភាពចូលរួមក្នុងព្រឹត្តិការណ៍សង្គមណាមួយ ដោយគ្មានការថ្កោលទោស។
នេះមិនមែនជាលើកទី១ទេ ដែលភរិយា លោក ស៊ុក សុភា អ្នកនាង សារីណា បានចេញមុខមករារាំងការពារស្វាមីពីការវាយប្រហារ ព្រោះកន្លងមក ភរិយារូបនេះ ក៏ធ្លាប់ប្រតិកម្មតបដូចគ្នានេះដែរ ក្រោយអតីតតារាសម្ដែងលោក ស៊ុក សុភា ជាស្វាមី ត្រូវវាយប្រហារដោយរឿងអាស្រូវនានា ក្នុងនោះអ្នកនាង ថែមទាំងព្រលយថា នឹងចំណាយប្រាក់នាំអ្នកបង្កើតព័ត៌មានមិនពិតវាយប្រហារស្វាមីអ្នក នាង ឡើងតុលាការថែមទៀតផង ប្រសិនបើអ្វីៗមិនត្រូវបានបញ្ចប់៕
ដកស្រង់ពី : sabay
