ភ្នំពេញ ៖ ភាពភ្ញាក់ផ្អើលមួយបានកើតឡើង ខណៈប្រជាពលរដ្ឋប្រទះឃើញទារកទើបនឹងកើត ត្រូវម្ដាយយកមកបោះ ចោលក្បែរធុងសំរាមជិតនៅនាឡិកាវត្ដភ្នំ កាលពីវេលាម៉ោង៩ព្រឹកថ្ងៃទី១៥ ខែមិថុនា ឆ្នាំ២០១៣ ឋិតក្នុងសង្កាត់វត្ដភ្នំ ខណ្ឌដូនពេញ ។ បន្ទាប់មកត្រូវបានយកទៅសង្គ្រោះនៅមន្ទីរពេទ្យគន្ធបុបា្ព ។ តាមសម្ដីជាងថតរូបម្នាក់នៅវត្ដភ្នំ បាននិយាយថា នៅវេលាម៉ោងប្រហែលជាង៨ព្រឹក គាត់ឃើញមនុស្សប្រុស-ស្រី២នាក់ ជិះម៉ូតូឌុបគ្នាមកឈប់នៅជិតកន្លែងកើតហេតុ ហើយកាន់ថង់ខ្មៅមួយមិនដឹងមានអ្វីនៅក្នុងនោះទេ បានយកទៅដាក់ចោល នៅក្បែរធុងសំរាម បន្ទាប់មកក៏ជិះម៉ូតូចេញទៅបាត់ ។ ប្រភពបន្ដថា មួយសន្ទុះក្រោយមក ឃើញមានការរើបម្រះនៅក្នុង ថង់ ពេលគាត់ដើរទៅមើលក៏ឃើញទារកនៅក្នុងនោះ ក៏បានប្រាប់ប្រជាពលរដ្ឋនៅក្បែរនោះ ហៅសន្ដិសុខសាលាខណ្ឌនាំយកទៅសង្ក្រោះនៅមន្ទីរពេទ្យកាល់ម៉ែត ៕
________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
