ខេត្ដកំពង់ចាម ៖ យុវជនម្នាក់ចិត្ដ ខ្លាំងបានទិញសាំងកន្លះលីត្រចាក់ដុតខ្លួន ក្រោយផ្ទះបន្ទាប់ពីម្ដាយបានប្រើទៅទិញសាំងមកចាក់ម៉៉ូតូដើម្បីទៅចៀរជ័រ ។ ករណីខាងលើនេះបានកើតឡើងនៅ វេលាម៉ោង៦និង៣០នាទីល្ងាចថ្ងៃទី៤ ខែមិថុនា ឆ្នាំ២០១៣ នៅចំណុចខាង ក្រោយផ្ទះជនរងគ្រោះ ស្ថិតក្នុងភូមិ ក្រសាំងវែង ឃុំទឹកជ្រៅ ស្រុកតំបែរ ខេត្ដកំពង់ចាម ។
អធិការស្រុកតំបែរលោក ហុង គឹម ហឿន បានឱ្យដឹងថា ជនរងគ្រោះមាន ឈ្មោះ អ៊ួន ម៉េងហ៊ុយ អាយុ២១ឆ្នាំ រស់ នៅភូមិ-ឃុំកើតហេតុខាងលើ ។ លោក អធិការបានបន្ដថា មុនពេលកើតហេតុ ជនរងគ្រោះត្រូវបានម្ដាយប្រើឱ្យទៅទិញ សាំងកន្លះលីត្រដើម្បីចាក់ម៉ូតូជិះទៅ ចៀរជ័រ ។ លុះពេលជនរងគ្រោះត្រឡប់ មកពីទិញសាំងវិញ មិនបានយកសាំងទៅ ចាក់ម៉ូតូនោះទេ តែបែរជាយកទៅចាក់ ដុតខ្លួននៅក្រោយផ្ទះបណ្ដាលឱ្យឆេះសន្ធោ សន្ធៅ រលាករលួយលើដងខ្លួន ។
លោកអធិការបញ្ជាក់ថា ដោយសារ តែជនរងគ្រោះក្ដៅខ្លាំងមិនអាចទ្រាំបាន ក៏ស្រែកឱ្យគេឯងជួយ ព្រមទាំងក្រុម គ្រួសារជនរងគ្រោះនាំគ្នាពន្លត់ រួចដឹក បញ្ជូនតាមរថយន្ដមកសង្គ្រោះនៅមន្ទីរ ពេទ្យព្រះកុសុមៈក្នុងរាជធានីភ្នំពេញ ។
សាច់ញាតិជនរងគ្រោះបានដាក់ការ សង្ស័យថា មូលហេតុដែលជនរងគ្រោះ យកសាំងចាក់ដុតខ្លួនឯងសង្ស័យព្រោះ តែម្ដាយប្រើឱ្យទៅចៀរជ័រជាមួយ តែត្រូវ ជនរងគ្រោះប្រកែក ។ បន្ទាប់មកម្ដាយ ជនរងគ្រោះបានប្រើឱ្យទៅទិញសាំងយក មកចាក់ម៉ូតូដើម្បីជិះទៅធ្វើការជាមួយ គ្នា តែបែរជាជនរងគ្រោះយកសាំងទៅ ចាក់ស្រោចលើខ្លួនខាងក្រោយ រួចឆួល ភ្លើងបណ្ដាលឱ្យឆាបឆេះយ៉ាងសន្ធោ សន្ធៅតែម្ដង៕
ប្រភពពី៖cambodiapage.info
0 comments:
Post a Comment