មានវីដេអូ៖ បុគ្គលិកក្រុមហ៊ុនតបណ្ដាញទូរស័ព្ទស៊ិនវៃមិនប្រយ័ត្នឆក់ខ្សែភ្លើងរបួសធ្ងន់( -

7:46 AM

ភ្នំពេញ ៖ យុវជនម្នាក់ដែលគេស្គាល់ ជាបុគ្គលិកក្រុមហ៊ុនតបណ្ដាញទូរស័ព្ទ ចល័តស៊ិនវៃ(០៣៨) បានរងរបួសខ្លោច ពេញខ្លួន ត្រូវបានរថយន្ដសាមុយដឹកយក ទៅសង្គ្រោះភ្លាមៗ ខណៈកំពុងតបណ្ដាញ ទូរស័ព្ទចល័ត ហើយក៏បោះខ្សែភ្លើងប៉ះ នឹងខ្សែកាប្លិ៍ បណ្ដាលឱ្យឆក់តែម្ដង ។

ហេតុការណ៍ខាងលើនេះ បានកើតឡើង កាលពីវេលាម៉ោង៤និង៥០នាទីល្ងាច ថ្ងៃទី៨ខែមិថុនាឆ្នាំ២០១៣ នៅចំណុច សាលារៀនញូវប្រ៊ិចអន្ដរជាតិ ឋិតនៅ តាមបណ្ដោយផ្លូវ១០១៩(ភ្នំពេញហា ណូយ)ក្នុងភូមិរោងចក្រ សង្កាត់ភ្នំពេញ ថ្មី ខណ្ឌសែនសុខ ។

យុវជនរងគ្រោះមានឈ្មោះសារ៉ាវុធ អាយុ២៦ឆ្នាំ ជាបុគ្គលិកតបណ្ដាញទូរស័ព្ទ ស៊ិនវៃ០៣៨ ស្នាក់នៅផ្ទះជួលម្ដុំផ្សារទឹក ថ្លា ក្នុងសង្កាត់ទឹកថ្លា ខណ្ឌសែនសុខ មាន ស្រុកកំណើតនៅស្រុកឈូក ខេត្ដកំពត ។

តាមប្រភពព័ត៌មានពីជនរងគ្រោះ បាននិយាយឱ្យដឹងថា នៅមុនពេលកើត ហេតុរូបគេបានឡើងទៅលើដំបូលផ្ទះ កន្លែងកើតហេតុ ហើយឱ្យបុគ្គលិកម្នាក់ ទៀតបោះខ្សែភ្លើងដើម្បីតបណ្ដាញទូរស័ព្ទ ចល័ត ពេលនោះបុគ្គលិកម្នាក់ទៀតបាន បោះខ្សែភ្លើងទៅប៉ះនឹងខ្សែកាប្លិ៍បណ្ដាល ឱ្យផ្ទុះចរត្ដអគ្គិសនីនឹងរូបគេបណ្ដាលឱ្យ ឆេះរោលខ្លោចពេញខ្លួន ។

ក្រោយពេលកើតហេតុក៏មានការ ភ្ញាក់ផ្អើលដល់ប្រជាពលរដ្ឋនិងសមត្ថ កិច្ច និងបុគ្គលិកម្នាក់ទៀតបានរត់គេច បាត់ស្រមោល ។ ពេលនោះសមត្ថកិច្ច បានទូរស័ព្ទរថយន្ដសាមុយដឹកយកទៅ សង្គ្រោះនៅមន្ទីរពេទ្យព្រះកុសុមៈ ។ ដោយឡែកបុគ្គលិក២នាក់ទៀត រួមនឹង រថយន្ដ១គ្រឿងដែលជារបស់ក្រុមហ៊ុន ស៊ិនវៃ(០៣៨)ត្រូវបាននគរបាលឃាត់ យកទៅអធិការដ្ឋាននគរបាលខណ្ឌសែន សុខ ដើម្បីសួរនាំ ៕