ខេត្តកំពង់ស្ពឺ៖ ប្តីប្តឹងសមត្ថកិច្ចរឿងប្រពន្ធមានសហាយស្មន់ ខណៈប្តីមកទាន់ ឃើញនាងជាប្រពន្ធនិងប្រុសស្នេហ៍នៅក្នុងបន្ទប់តែ២នាក់ទាំងកណ្តាលអធ្រាត្រ ថ្ងៃទី៣ ខែមិថុនា ឆ្នាំ២០១៣ ។
លោក សុខ តាយ អាយុ២៩ឆ្នាំ ជាប្តីបានឲ្យដឹងថា នៅយប់កើតហេតុ វេលាម៉ោង២៣និង១៥នាទី លោកបានមកដល់ផ្ទះ ហើយសំងំចាំមើលប្រពន្ធ តើដូចការដែលញាតិលើកឡើងដែឬទេ ថាប្រពន្ធរបស់ខ្លួនមានទំនាក់ទំនងស្នេហាជាមួយនិងបុរសម្នាក់ ដែលតែងតែឃើញចេញចូលផឹកស៊ី(ហាងកាហ្វេ)រហូតយប់ជ្រៅរាល់ពេលប្តីអត់នៅផ្ទះ រវល់ទៅរកស៊ី។ ពេលដែលោកតាមដានក៍ឃើញផ្ទាល់និងភ្នែក ខណៈប្រុសស្នេហ៍រូបនោះ បានចូលទៅក្នុងបន្ទប់ប្រពន្ធខ្លួន ហើយប្តីរូបនោះក៍បានទៅនាំសមត្ថកិច្ចមកឲ្យឃើញផ្ទាល់ភ្នែក និងចាប់អ្នកទាំងពីរ ប្រពន្ធនិងប្រុសស្នេហ៍នោះទៅចាត់ការតាមច្បាប់។
តាមការបំភ្លឺរបស់បុរសជាជនសង្ស័យទាក់ទងប្រពន្ធគេនោះ បានឲ្យដឹងថា នៅយប់កើតហេតុ លោកបានទៅផឹកស៊ីជុំគ្នា មានមិត្តភក្តិជាច្រើនចូលរួម តែក្រោយមកគេទៅផ្ទះអស់នៅសល់តែលោកក្រោយគេ ព្រោះលោករវល់ជញ្ចូនឆ្នាំងចាន ទៅលាងនៅខាងក្រោយផ្ទះ តែខណៈកំពុងតែលាងក៍ឃើញប្តីរបស់នាងយកដែកមកវាយលើរាងកាយរបស់គេ ក្រោយមកគេរៀងវិលៗពេលដឹងខ្លួន ស្រាប់តេនៅក្នុងបន្ទប់ដោយមានចាក់សោពីខាងក្រៅទុកជាច្រើនម៉ោង ក្រោយមកក៍ឃើញមានសមត្ថកិច្ចមកដល់ ឃាត់ខ្លួនគេនិងនាងប្រពន្ធម្ចាស់ផ្ទះ។
អ្នកស្រី សុខ ខា អាយុ២៧ឆ្នាំ ជាប្រពន្ធបានឲ្យដឹងថា នៅយប់កើតហេតុប្តីរបស់នាងបានទូរសព្ទមកនាងនិងកូនថា ចង់មកលេងផ្ទះ ហើយនាងហាក់នឹកប្តីដែរ ព្រោះបែកគ្នា១ឆ្នាំកន្លងទៅហើយក៍ឲ្យប្តីមក។ ពេលប្តីមកដល់ ឃើញមិត្តភក្កិនាងកំពុងនៅក្នុងផ្ទះក៏វាយទៅបុរសនោះ នាងឃើញដូចច្នោះក៍ទាញបុរសរូបនោះចូលទៅក្នុងបន្ទប់ ហើយក៏បិទទ្វាតែម្តង។ នាងបានបន្តទៀតថា ប្តីនាងរៀបការជាមួយគ្នាយ៉ូហើយមិនចាំឆ្នាំទេ មានកូនប្រុសស្រី៣នាក់ កូនបងគេអាយុ៩ឆ្នាំ កន្លងទៅនាងបានឈ្លោះគ្នាជាមួយប្តី បែកគ្នាអស់រយៈពេល១ឆ្នាំហើយ ទើបតែប្តីទូរសព្ទមកថា ចង់មកដេកនៅផ្ទះទើបនាងឲ្យប្តីមក តែដឹងអីក៍កើតរឿងនេះតែម្តង។
ការលើកឡើងយ៉ាងដូច្នេះ ត្រូវបុរសជាប្តីថា រឿងដែលប្រុសស្នេហ៍ និងប្រពន្ធលើកឡើងនោះ ជារឿងមិនពិត ព្រោះលោកបានលបមើលឃើញផ្ទាល់នឹងភ្នែក ហើយក៏មានរូបថត និងសាក្សីជាច្រើនជាវត្ថុតាងផងដែរ៕
_______________
ប្រភពពី៖ NEWS4KH
_______________
ប្រភពពី៖ NEWS4KH
0 comments:
Post a Comment