មិនគួរឲ្យជឿ សុក សុភា ត្រូវពលរដ្ឋជេរប្រមាថថា «ឆ្កែ»

10:22 PM

វាជារឿងមួយមិនគួរឲ្យជឿទាល់តែសោះចំពោះបងប្អូនប្រជាពលរដ្ឋរាប់សិប លាននាក់ទាំងនៅក្នុង និងក្រៅប្រទេស ដែលកន្លងមកធ្លាប់តែលើកសរសើរគាំទ្រចំពោះតារាសម្តែងលោក ស៊ុក សុភា មានរូបរាងសង្ហារ និងសម្តែងបានល្អ តែបែរជាពេលនេះ ពួកគេបានជេរប្រមាថតារាសម្តែងរូបនេះយ៉ាងចាស់ដៃទៅវិញ ក្រោយពេលតារារូបនេះបានចូលរួមនៅក្នុងមហាបាតុកម្មអហិង្សាមួយ ប្រឆាំងនឹងលោក កឹម សុខា ដែលគេបានដឹងយ៉ាងច្បាស់ថា នោះជាចេតនានយោបាយ។

តារាសម្តែង ស៊ុក សុភា បានចាកចេញទៅរស់នៅប្រទេសអូស្ត្រាលី ក្រោយពេលរូបលោកបានរៀបការជាមួយនឹងមេម៉ាយស្រស់សោភាអាណិកជន អូស្ត្រាលីម្នាក់ ដោយរូបលោកបានទុកចោលការងារសិល្បៈទាំងឡាយ ព្រោះចាំបាច់ត្រូវមានការងារជាច្រើនដែលលោកត្រូវជួយភរិយាដែលកំពុង មានកូនតូចនោះ។ ប៉ុន្តែខណៈបាត់មុខពីសិល្បៈដោយសារ ត្រូវទៅអូស្ត្រាលីនោះ ស្ងាត់ៗស្រាប់តែលេចមុខតារារូបនេះដឹកនាំមហាបាតុកម្មប្រឆាំងលោក កឹម សុខា ទៅវិញ។

ប្រជាជនហាក់មិនមានភាពរីករាយជាមួយនឹងវត្តមានរបស់លោកឡើយ ព្រោះពលរដ្ឋភាគច្រើនបានដឹងថា នោះជាចេតនានយោបាយ។ បន្ថែមពីលើនេះ ពលរដ្ឋមួយចំនួនបានធ្វើការរិះគន់ ជេរប្រមាថតារារូបនេះស្ទើរមិនគួរឲ្យជឿទៀតផង ដោយធ្វើការបង្ហោះរូបលើហ្វេសប៊ុក ហើយសរសេរថា «ឆ្កែមួយនេះ ដូចធ្លាប់ស្គាល់មុខ ពលរដ្ឋនៅក្រៅប្រទេស រង់ចាំស្វាគមន៍ឆ្កែឯងហើយ!

ក្រៅពីនោះ ស៊ុក សុភា បានទទួលរងការស្តីបន្ទោសជាច្រើនទៀត តែគេមិនបានឃើញតារារូបនេះ ឆ្លើយតបនោះទេ។ រង់ចាំការបកស្រាយរបស់តារារូបនេះ៕

ប្រភពពី៖ NEWS4KH