រាជធានីភ្នំពេញ៖ រថយន្តកុងទឺន័ររបស់ក្រុមហ៊ុនផែស្ងួត តេង ឡាយ ក្រឡាប់ផ្ងារជើង នៅចំណុចគល់ស្ពានស្ទឹងមានជ័យ លើកំណាត់ផ្លូវលេខ២៧១ ស្ថិតក្នុងសង្កាត់បឹងសាឡាង ខណ្ឌទួលគោក កាលពីម៉ោង៩និង១៥នាទីព្រឹក ថ្ងៃទី១៧ ខែមិថុនា ឆ្នាំ២០១៣នេះ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុរថយន្តNissan Diesel មួយគ្រឿង ពណ៌បៃតង ពាក់ស្លាកលេខ ភ្នំពេញ 3A-0671 បើកបរដោយបុរសម្នាក់ តាមបណ្តោយផ្លូវលេខ២៧១ ក្នុងទិសដៅពីត្បូងទៅជើង លុះទៅដល់ចំណុចកើតហេតុ ក៏បួងចង្កូតបត់ឆ្វេងយ៉ាងលឿនឡើងលើស្ពានស្ទឹងមានជ័យ បណ្តាលឲ្យក្រឡាប់ផ្ងារជើងនៅត្រង់ចំណុចគល់ស្ពានតែម្តង។
ក្រោយពេលកើតហេតុ សមត្ថកិច្ចបានចុះទៅធ្វើវាស់វែង និងស្ទូចរថយន្តយកទៅរក្សាទុកនៅការិយាល័យនគរបាលចររាចរណ៍ជើងគោករាជធានីភ្នំពេញ ដើម្បីដោះស្រាយ៕
ប្រភពពី cambodiapage.info
