ភ្នំំពេញៈមហាបាតុកម្មរបស់ពលរដ្ឋខ្មែរ ដែលរងគ្រោះក្នុងរបបកម្ពុជាប្រជាធិបតេយ្យ ក៏ដូចជាយុវជនជំនាន់ក្រោយជាង១ ម៉ឺននាក់ នាព្រឹកថ្ងៃអាទិត្យ ទី០៩ ខែមិថុនា ឆ្នាំ២០១៣នេះ បានស្រែក និងបង្ហាញពាក្យស្លោកជាច្រើន ទាមទារឲ្យ លោក កឹម សុខា ប្រធានស្តីទីគណបក្សសង្គ្រោះជាតិ ចូលខ្លួនអុជធូបសុំទោសដល់វិញ្ញាណក្ខន្ធរបស់ជនរងគ្រោះ នៅក្នុងគុកទួលស្លែងជាច្រើននាក់ ដែលត្រូវបានសម្លាប់ក្នុងរបបអាវខ្មៅ។
ក្រុមមហាបាតុករទាំងនៅតាមបណ្តាខេត្ត និងរាជធានីភ្នំពេញ បានហៅសំដីលោក កឹម សុខា ជាការប្រមាថយ៉ាង ធ្ងន់ធ្ងរដល់វិញ្ញាណក្ខន្ធរបស់ជនរងគ្រោះក្នុងរបបប្រល័័យពូជសាសន៍ និងអ្នកដែលរងទុក្ខទារុណកម្ម ដ៏សែនឈឺ ចាប់រហូតស្លាប់បាត់បង់ជីវិតក្នុងគុកទួលស្លែង។
ជាមួយមហាបាតុកម្មនេះ សន្តិសុខ ត្រូវបានគេមើលឃើញថា រឹតបន្តឹងយ៉ាងខ្លាំង ទាំងនៅតាមបណ្តាផ្លូវ និងជុំវិញ ទីលានប្រជាធិបតេយ្យ ដោយកម្លាំងសមត្ថកិច្ចចម្រុះក្នុងរាជធានីភ្នំពេញរាប់ពាន់នាក់។ ជាមួយគ្នានេះនៅទីស្នាក់ ការគណបក្សសង្គ្រោះជាតិ ក៏ដូចជាផ្ទះលោក កឹម សុខា ក៏ត្រូវបានដាក់កម្លាំងសមត្ថកិច្ចការពារសុខសុវត្ថិភាព យ៉ាងតឹងរឹងផងដែរ ។
ប្រភពពី៖ ABC+
0 comments:
Post a Comment