ខេត្តកំពង់ចាម ៖ កម្លាំងសមត្ថកិច្ចស្រុកពញាក្រែក បានធ្វើការចាប់ឃាត់ខ្លួនបុរសល្មោភកាមម្នាក់ បន្ទាប់ពីជនល្មើសរូបនេះបានធ្វើស កម្មភាពរំលោភប្អូនថ្លៃស្រីរបស់ខ្លួនទាំងកំរោល កាលពីវេលាម៉ោង៤ និង៣០នាទីរសៀល ថ្ងៃទី៣ ខែមិថុនា ឆ្នាំ២០១៣ ស្ថិត នៅ ក្នុងចំការអំពៅមួយកន្លែង។
បើតាមការបញ្ជាក់របស់សមត្ថកិច្ចបានឲ្យដឹងថា ជនល្មើសដែលត្រូវសមត្ថកិច្ចចាប់ឃាត់ខ្លួនខាងលើមានឈ្មោះ យិន ប៊ុននី ហៅទូច អាយុ១៩ឆ្នាំ មានស្រុកកំណើតនៅភូមិឡ ឃុំកោងកាង ស្រុកពញាក្រែក ទើបតែរៀបការប្រពន្ធបាន៤ខែប៉ុណ្ណោះ នៅឃុំវាលម្លូ ស្រុកពញាក្រែក ត្រូវឪពុកក្មេក និងក្រុមសាច់ញាតិចាប់ប្រគល់ឱ្យនគរបាលនៃអធិការដ្ឋាននគរបាល ស្រុកពញាក្រែក បន្ទាប់ពីជនកំហូចរូបនេះ បានចាប់ប្អូនថ្លៃស្រី អាយុ២០ឆ្នាំ រំលោភសេពសន្ថវៈរហូតបានសម្រេចនៅក្នុងចម្ការអំពៅ ដែលមានចម្ងាយប្រហែលជា១គីឡូងម៉ែត្រ ពីភូមិគ្រញូង ខណៈពេលប្អូនថ្លៃដើរទៅបេះបន្លែយកមកលក់ម្នាក់ឯង ។
បើតាមការរៀបរាប់របស់ជនរងគ្រោះបានឲ្យដឹងថា ខណៈពេលដែលនាងកំពុងដើរបេះបន្លែ នៅវេលាម៉ោង៤និង៣០នាទីរសៀល ស្រាប់តែបងថ្លៃឈ្មោះ ប៊ុននី ហៅទូច ដែលនៅជម្រះស្មៅចម្ការអំពៅក្បែរនោះ បានដើរសំដៅមករកនាង ព្រមទាំងយកត្រីមួយក្បាលមកហុចឱ្យ រួចចាប់ដៃនាងជាប់ ពេលនោះនាងក៏បានរើបម្រះ រត់ចេញបានបន្តិចក៏ត្រូវបងថ្លៃដេញតាមទាន់ផ្តួលទៅលើដី រួចរំលោភសេពសន្ថវៈរហូតបានសម្រេច ហើយគំរាមសម្លាប់ ប្រសិនបើនាងយករឿងនេះទៅប្រាប់ឪពុកម្តាយឱ្យដឹង ។ នាល្ងាចថ្ងៃដដែល នាងបានប្រាប់រឿងនេះដល់ឪពុកម្តាយឱ្យបានដឹង ។
បន្ទាប់ពីបានធ្វើការសាកសួររួចមក ជនល្មើសបានសារភាពថា ខ្លួនពិតជាបានប្រព្រឹត្តដូចការចោទប្រកាន់មែន។ បច្ចុប្បន្នជនល្មើសត្រូវសមត្ថកិច្ចឃុំខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនបន្តទៅកាន់តុលាការឲ្យកាត់ទោសទៅតាមនីតិវិធីច្បាប់៕
_________
ប្រភពពី វត្តភ្នំ
0 comments:
Post a Comment