ការទៅធ្វើទស្សនកិច្ចរបស់តារាបាល់ទាត់ចូលនិវត្តន៍ David Beckham នៅសាកលវិទ្យាល័យ Tongji នៅទីក្រុងសៀងហៃ ប្រទេសចិន បានបង្កឲ្យមានការជាន់គ្នារបួស៥នាក់ បន្ទាប់ពីក្រុមអ្នកគាំទ្រជិត១០០០នាក់បានប្រជ្រៀតគ្នាជួបមុខតារា បាល់ទាត់ដ៏ល្បីរូបនេះ។
ប៉ូលិសមួយរូបរងរបួសពីការជាន់គ្នា
ក្នុងចំណោមអ្នករបួស៥នាក់នោះ មានសន្តិសុខ២នាក់ បុគ្គលិកសាកលវិទ្យាល័យ២នាក់ និងនិស្សិតបរទេសម្នាក់។
ការ ជាន់គ្នានេះ បានធ្វើឲ្យគម្រោងហ្វឹកហាត់រួមគ្នារវាងក្រុមបាល់ទាត់របស់ សាកលវិទ្យាល័យនេះ ជាមួយ Beckham ត្រូវបានលុបចោល ខណៈអតីតតារាបាល់ទាត់អន្តរជាតិអង់គ្លេសរូបនោះក៏បានចាកចេញពី កន្លែងកើតហេតុនោះដែរ។
ដើមហេតុដែល បង្កឲ្យមានការជាន់គ្នានេះ គឺដោយសារមនុស្សជាតិ១០០០នាក់ដែលចាំជួបមុខ Beckham នោះ បាននាំគ្នារុញច្រានរបងរបស់ក្រុមសន្តិសុខ និងប៉ូលិស។ អ្នករងរបួសត្រូវបានបញ្ជូនទៅកាន់មន្ទីរពេទ្យក្នុងតំបន់ហើយពេល នេះ។
នៅចាំបានថា Beckham ត្រូវបានតែងតាំងជាអគ្គរដ្ឋទូតពិសេសសម្រាប់វិស័យបាល់ទាត់ប្រទេសចិន កាលពីខែមីនាកន្លងទៅ។ ការទៅកាន់ប្រទេសចិននៅពេលនេះ គឺជាផ្នែកមួយនៃតួនាទីរបស់ខ្លួននេះឯង៕
