ខេត្ដរតនគីរី ៖ ស្ដ្រីជនជាតិវៀតណាម ម្នាក់បានព្យាយាមលោតទឹកសម្លាប់ខ្លួន ព្រោះតែបាត់ប្ដីពីផ្ទះចំនួន១០ថ្ងៃដោយពុំ ដឹងមូលហេតុ ប៉ុន្ដែការប៉ុនប៉ុងសម្លាប់ ខ្លួនរបស់ស្ដ្រីរូបនេះមិនបានសម្រេចទេ គ្រាដែលមានប្រជាពលរដ្ឋរារាំង និង ពន្យល់កុំឱ្យគិតខ្លីចង់សម្លាប់ខ្លួនបែបនេះ។ ករណីស្ដ្រីជនជាតិវៀតណាមប៉ុនប៉ុង លោតទឹកសម្លាប់ខ្លួននេះបានកើតឡើង នៅវេលាម៉ោង៥ល្ងាច ថ្ងៃទី២៩ ខែឧសភា ឆ្នាំ២០១៣ ស្ថិតនៅភូមិ-សង្កាត់បឹង កន្សែង ក្រុងបានលុង ។
ស្ដ្រីរងគ្រោះដៃជូតទឹកភ្នែកបណ្ដើរបាន ឱ្យដឹងថា នាងមានឈ្មោះស្រីពេជ្រ ហៅ ស្រីពៅ អាយុ៣១ឆ្នាំ ជនជាតិវៀតណាម មានមុខរបរស៊ីឈ្នួលកាប់សាច់ខ្វៃលក់ឱ្យគេ ។ ស្រីពេជ្របានឱ្យដឹងថា ប្ដីរបស់ នាងដែលបានបាត់ខ្លួនទៅនោះឈ្មោះដា រ៉ាក់ អាយុ៣៤ឆ្នាំ ជាជនជាតិវៀតណាម ដូចគ្នាមានមុខរបរជាកម្មករសំណង់ បច្ចុប្បន្នស្នាក់នៅផ្ទះជួលក្រោយមន្ទីរពេទ្យ បង្អែកខេត្ដរតនគីរី ស្ថិតនៅក្នុងភូមិភ្នំ ស្វាយ សង្កាត់បឹងកន្សែង ក្រុងបានលុង ខេត្ដរតនគីរី ។
ស្ដ្រីរងគ្រោះបានឱ្យដឹងថា មូលហេតុ ដែលនាងចង់មកលោតទឹកសម្លាប់ខ្លួននៅបឹងកន្សែងព្រោះតែនាងបាត់ប្ដីជាទី ស្រឡាញ់អស់រយៈពេល១០ថ្ងៃមកហើយ ពុំមានដំណឹងអ្វីសោះ ។ ស្ដ្រីរូបនេះបាន ឱ្យដឹងដែរថា នាងនិងប្ដីបានរៀបការជា មួយគ្នាអស់រយៈ៦ឆ្នាំមកហើយពុំដែល មានជម្លោះធំដុំនឹងគ្នាម្ដងណាទេ ស្រាប់ តែនៅព្រឹកថ្ងៃទី១៩ ខែឧសភា ឆ្នាំ២០១៣ ប្ដីរបស់ខ្លួនបានឡើងជិះម៉ូតូទៅធ្វើជាង សំណង់ដូចសព្វមួយដងគ្រាដែលនាង អង្គុយនៅក្នុងផ្ទះ ។ ចាប់តាំងពីប្ដីចេញ ទៅរហូតមកដល់ថ្ងៃទី២៩ ខែឧសភា ពុំ ឃើញវិលត្រឡប់មកផ្ទះវិញទេ មិនតែ ប៉ុណ្ណោះសូម្បីទូរស័ព្ទក៏នាងតេមិនចូល ដែរ ។ ស្ដ្រីរូបនេះបានបន្ដថា ក្នុងអំឡុង ពេលបាត់ប្ដីនាងបានដើររកគ្រប់ទីកន្លែង និងកន្លែងដែលប្ដីធ្លាប់ទៅ តែពុំមានដំណឹង ទាល់តែសោះ ។
ស្ដ្រីរូបនេះបានបញ្ជាក់ថា ប្ដីរបស់ នាងពុំដែលបាត់់ខ្លួនដូចនេះទេ និងពេល ទៅធ្វើការជាជាងសំណង់ក្នុងមួយថ្ងៃ២-៣ ដងបានទូរស័ព្ទទាក់ទងគ្នា ហើយអ្វីធ្វើឱ្យ រូបនាងចង់មកលោតទឹកសម្លាប់ខ្លួន ព្រោះតែប៉ុន្មានថ្ងៃនេះមានព័ត៌មានថា គេប្រទះឃើញបុរសម្នាក់ស្លាប់នៅឯស្រុក កូនមុំ ទើបគិតថា បុរសដែលស្លាប់នោះ គឺជាប្ដីរបស់ខ្លួន។ ស្ដ្រីជនជាតិវៀតណាម រូបនេះបានបន្ថែមថា នាងមិនអាចរស់ នៅដោយគ្មានប្ដីបានទេ ហើយការដែល បាត់ប្ដីនាងមានការខ្វល់ខ្វាយ និងបារម្ភ ជាខ្លាំងបាយមិននឹកទឹកមិនស្រេកនឹកតូច ចិត្ដអស់សង្ឃឹមក្នុងជីវិតជាមួយនឹងភាព សោតសៅរាល់ថ្ងៃយប់ ទើបសម្រេចចិត្ដ ចង់ធ្វើអត្ដឃាតលោតទឹកសម្លាប់ខ្លួនបែបនេះ ៕
_________________ប្រភព ពី cambodiapage.info
0 comments:
Post a Comment