ខេត្ដកណ្ដាល ៖ យុវជន ឆេង រិទ្ធី អាយុ២០ឆ្នាំ ជាកសិករនៅភូមិចន្លក់ក្រៅ ឃុំ គគីរ ស្រុកកៀនស្វាយ ខេត្ដកណ្ដាល បាន លេបថ្នាំសម្លាប់ខ្លួនកាលពីថ្ងៃទី២១ ខែ ឧសភា ឆ្នាំ២០១៣ ដោយសារខឹងម្ដាយសួរនាំរកលុយ៥ម៉ឺនរៀល ។
ឪពុកជនរងគ្រោះឈ្មោះ ឈន ឆេង អាយុ៥២ឆ្នាំ ម្ដាយឈ្មោះ ស្មាន់ ចាន់ អាយុ៥១ឆ្នាំ ជាកសិករ មានទីលំនៅ បច្ចុប្បន្ននៅភូមិចន្លក់ក្រៅ ឃុំគគីរ ស្រុកកៀនស្វាយ ។
តាមសម្ដីស្ដ្រីជាម្ដាយឱ្យដឹងថា មុនពេលកូនលេបថ្នាំសម្លាប់ខ្លួនគាត់បាត់លុយ ៥ម៉ឺនរៀល ពេលនោះក៏សួរទៅកូនប្រុស ថា“កូនឯងមានយកលុយ៥ម៉ឺនរៀលទេ…?” គ្រាន់តែម្ដាយសួរប៉ុណ្ណឹងស្រាប់តែកូន ប្រុសរបស់គាត់មិននិយាយស្ដីអ្វីទាំងអស់ ហើយក៏រត់ចេញពីផ្ទះទៅកន្លែងដាំបន្លែ បាត់ ។ មួយសន្ទុះក្រោយមកស្រាប់តែ មានក្មេងប្រាប់គាត់ថា “កូនមីងផឹកថ្នាំ បាញ់សណ្ដែកសម្លាប់ខ្លួនទៅហើយ” ។
ស្ដ្រីរូបនេះបន្ដទៀតថា បន្ទាប់ពីឮ ក្មេងក្នុងភូមិប្រាប់ដូច្នេះ បងប្អូនកូនក្មួយ ក៏នាំគ្នារត់ទៅគ្រាហ៍យកកូនគាត់ទៅ សង្គ្រោះនៅមន្ទីរពេទ្យស្រុក ។ ករណីលេប ថ្នាំសម្លាប់ខ្លួននេះដែរបងប្អូនជនរងគ្រោះ បាននិយាយថា មុនពេលយកជនរងគ្រោះ មកមន្ទីរពេទ្យបង្អែកស្រុកកៀនស្វាយគឺ គេបាននាំមកគ្លីនិកឯកជននៅផ្សារគគីរ ឱ្យជួយព្យាបាល ប៉ុន្ដែគ្លីនិកឯកជនបាន រុញឱ្យទៅមន្ទីរពេទ្យបង្អែកស្រុកវិញ ។ ពេលទៅដល់មន្ទីរពេទ្យបង្អែកស្រុក មន្ទីរ ពេទ្យស្រុកក៏បានបញ្ជូនមកមន្ទីរពេទ្យ មិត្ដភាពខ្មែរ-សូវៀត(ពេទ្យរុស្ស៊ី) ហើយ គ្រូពេទ្យប្រាប់ថា ជនរងគ្រោះមានសភាព សភាពធ្ងន់ធ្ងរ ។
បងប្អូនជនរងគ្រោះបានប្រាប់ទៀតថា យុវជន ឆេង រិទ្ធី កន្លងទៅធ្លាប់លេបថ្នាំ សម្លាប់ខ្លួនម្ដងរួចមកហើយ ប៉ុន្ដែលើក ទី២នេះមិនទាន់ដឹងថា ចេតនាប៉ងអត្ដ ឃាតខ្លួនរបស់យុវជន ឆេង រិទ្ធី បាន សម្រេចឬមិនសម្រេចនោះឡើយ ។ ដ្បិត ជនរងគ្រោះកំពុងសម្រាកព្យាបាលនៅ មន្ទីរពេទ្យនៅឡើយ ៕
ប្រភព ពី cambodiapage.info
0 comments:
Post a Comment