សង្វៀនកំពូលអ្នកប្រយុទ្ធកីឡាករខ្មែរឈ្នះមួយចាញ់ប្រាំ

7:39 AM

ភ្នំពេញ: លទ្ធផលនៃកម្មវិធីការប្រកួតកំពូលអ្នកប្រយុទ្ធរបស់ស្ថានីយទូរទស្សន៍MYTVបានឱ្យដឹងថា អ្នកប្រយុទ្ធកីឡាករខ្មែរឈ្នះមួយចាញ់ប្រាំ ក្រោមកម្លាំងដៃកីឡាករអន្តរជាតិ។

សង្វៀនប្រាំបីជ្រុងនៃការប្រកួតកំពូលអ្នកប្រយុទ្ធកាលពីយប់ថ្ងៃទី២៨ ខែឧសភា ឆ្នាំ២០១៣ បានធ្វើឱ្យទស្សនិកជនជក់ចិត្តនិងខកចិត្តផងដែរ ខណៈសមត្ថភាពកីឡាករខ្មែរស៊ូមិនដល់ទាំងកម្លាំងកាយនិងបទពិសោធន៍របស់កីឡាករអន្តរជាតិ។

លទ្ធផលឱ្យដឹងថា កីឡាករខ្មែរនិងកីឡាករអន្តរជាតិឡើងប្រកួតមាន៨គូរដូចជា៖
គូរទី១ កីឡាករអន្តរ Zuluboy មកពីប្រទេសអាហ្វ្រិក វ៉ៃឈ្នះលើ កីឡាករខ្មែរ សុខ ចិន្តា មកក្លឹបឃ្លាំងមឿងកីឡាខេត្តពោធិ៍សាត់ ក្នុងទង្ងន់៦០គីឡូក្រាម ក្នុងទឹកទី១ ឱ្យដួលសន្លប់ក្នុង២នាទីនិង៤០វិនាទីតែម្តង ខណៈកីឡាករ សុខ ចិន្តា ត្រឹមតែអាចតបតបានផ្តើមនាទីប៉ុណ្ណោះ ។

គូរទី២ កីឡាករអន្តរជាតិ Matt Bulrski មកប្រទេសអាហ្វ្រិក វ៉ៃឱ្យ កីឡាករខ្មែរ សំអាង ឌុន មកពីក្លឹបអេភូថង កីឡា ក្នុងទង្ងន់៦៥គីឡូក្រាម សន្លប់ក្នុង២នាទីនិង២៦វិនាទី ក្នុងទឹកទី១។

គូរទី៣ កីឡាករអន្តរជាតិ Jamie Lee មកពីប្រទេសអង់គ្លេស ដាល់ឱ្យកីឡាករខ្មែរ ធី តុងហ៊ី មកពីក្លឹបសាលវ័ន្តកីឡា ក្នុងទង្ងន់៦៣គីឡូក្រាម មិនងើបតបតនិងមិនអាចការពារខ្លួនបានថែម ហើយក៍បាត់បង់ស្មាតី ចាញ់ក្នុងវេលា១នាទីនិង១៣វិនាទីនៃទឹកទី១ ។

គូរទី៤ កីឡាករអន្តរជាតិ Dave Newbrook មកពីប្រទេសអង់គ្លេស បានចាញ់ក្រោមកីឡាករខ្មែរ តក់ សុភ័ណ្ឌ មកពីក្លឹបអេភូថងកីឡា ក្នុងទង្ងន់៦០គីឡូក្រាម ដោយអាចធ្វើឱ្យកីឡាករ Dave ពិបាកគៀបសង្កត់លើ សុភ័ណ្ឌ គ្រប់៣ទឹក ខណៈ សុភ័ណ្ឌអាចរកពិន្ទុឈ្នះបាន។

គូរទី៥ កីឡាករអន្តរជាតិ James Smart មកពីប្រទេសអាហ្វ្រិក បានវ៉ៃឱ្យកីឡាករ ពេជ្រ អារុណ មកពីក្លឹបសំរែករាជសីហ៍បង្ក្រាបគ្រឿនញៀន ក្នុងទង្ងន់ ៦៩គីឡូក្រាម មិនតបតមួយដៃណាសោះមកវិញចំពោះកីឡាករជនជាតិអាហ្វ្រិនេះ ហើយ ពេជ្រ អារុណ ដែលខ្លាចាស់នោះចាញ់ដោយសន្លប់នៅដើមទឹកតែម្តង។

គូរទី៦ កីឡាករអន្តរជាតិ Ali Mclean មកពីប្រទេសអង់គ្លេស បានឈ្នះកីឡាករខ្មែរ ភេឌី ម៉ឺនសុភា មកពីក្លឹបយុជនអង្គរ ក្នុងទង្ងន់៦៩គីឡូក្រាមនៅទឹកទី១តែម្តង ដោយកម្លាំងកាយរបស់ Ali Mclean ខ្លាំងជាងទាំងបច្ចេកទេសនិងកម្លាំងកាយតែម្តង។

គូរទី៧ កីឡាករអន្តរជាតិ Dan Rushworth មកពីប្រទេសអង់គ្លេស បានបាញ់កីឡាករអន្តរជាតិ James Saks មកពីប្រទេសអាហ្វ្រិកក្នុងទង្ងន់៨០គីឡូក្រាម ក្នុងទឹកទី១។

ចុងក្រោយទី៨ កីឡាករអន្តរជាតិ Rob Lloyd មកពីប្រទេសអង់គ្លេស មកចាញ់ក្រោមល្បឿនកម្លាំងដៃរបស់កីឡាករអន្តរជាតិ Sean Robinson មកពីប្រទេសអាហ្វ្រិកក្នុងទឹកទី២។ ម៉ា ច័ន្ទ បូរិន