ភ្នំពេញ ៖ កាលពីព្រឹកថ្ងៃទី៣១ ខែ ឧសភា ឆ្នាំ២០១៣ សម្ដេចកិត្ដិព្រឹទ្ធ បណ្ឌិត ប៊ុន រ៉ានី ហ៊ុន សែន ប្រធាន កាកបាទក្រហមកម្ពុជាបានដឹកនាំប្រតិភូកាកបាទក្រហមកម្ពុជាមួយក្រុមអញ្ជើញ ចុះជួបសួរសុខទុក្ខ សំណេះសំណាល នាំ យកអំណោយសប្បុរសធម៌កាកបាទ ក្រហមកម្ពុជាជាគ្រឿងឧបភោគបរិភោគ សម្ភារ និងថវិកា ចែកជូនកុមារកំព្រា អ្នកផ្ទុកមេរោគអេដស៍និងបុគ្គលិកអង្គ ការសង្គ្រោះជនអស់សង្ឃឹមមណ្ឌលទី១ ដែលមានទីតាំងនៅភូមិលិចវត្ដ សង្កាត់ កំបូល ខណ្ឌពោធិសែនជ័យ រាជធានីភ្នំពេញ ព្រមទាំងផ្ដល់អាហារមួយពេលយ៉ាង ឈ្ងុញឆ្ងាញ់ពិសាដល់ពួកគេផងដែ រ។
លោកស្រី ឡៅ សុខន នាយិកាអង្គ ការសង្គ្រោះជនអស់សង្ឃឹមបានឱ្យដឹងថា នៅថ្ងៃនេះកុមារកំព្រា អ្នកផ្ទុកមេរោគ អេដស៍ និងបុគ្គលិកអង្គការសង្គ្រោះជន អស់សង្ឃឹមមណ្ឌលទី១ មានភ័ព្ទសំណាង យ៉ាងខ្លាំងដែលបានទទួលវត្ដមានរបស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន មកសំណេះសំណាល ដែលនេះ ជាកាយវិការដ៏ប្រពៃនិងជាក្ដីសង្ឃឹម របស់កុមារកំព្រា អ្នកផ្ទុកមេរោគអេដស៍ និងបុគ្គលិកអង្គការសង្គ្រោះជនអស់សង្ឃឹម មណ្ឌលទី១ទាំងមូល ។
ក្នុងមនោសញ្ចេតនាដ៏ជ្រាលជ្រៅ ប្រកបដោយក្ដីនឹករលឹកអាណិតស្រឡាញ់ ចំពោះក្មួយៗ លោកយាយចាស់ៗសម្ដេច កិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញមានប្រសាសន៍សំណេះ សំណាលដោយបានសម្ដែងនូវទឹកចិត្ដ ចូលរួមរំលែកទុក្ខលំបាកជួនចំពោះក្មួយៗ និងលោកយាយចាស់ៗគ្មានទីពឹងស្នាក់ នៅអង្គការសង្គ្រោះជនគ្មានទីពឹងនា ពេលនេះ ។
សម្ដេចកិត្ដិព្រឹទ្ធបណ្ឌិតបានកោតសរ សើរយ៉ាងខ្លាំងចំពោះវីរភាពរបស់ លោក ម៉ារី អិន្យ ជនជាតិកាណាដាជា ស្ថាបនិករបស់អង្គការសង្គ្រោះជនគ្មាន ទីពឹងដែលបានលះបង់កម្លាំងកាយចិត្ដ និងពេលវេលាគ្រប់បែបយ៉ាងដើម្បីជួយ ដល់ប្រជាពលរដ្ឋខ្មែរគ្មានទីពឹងដោយរួមចំណែកជាមួយរាជរដ្ឋាភិបាលកម្ពុជា ដែលដឹកនាំដោយសម្ដេចអគ្គមហា សេនាបតីតេជោ ហ៊ុន សែន នាយករដ្ឋ មន្ដ្រីនៃព្រះរាជាណាចក្រកម្ពុជា ។
សម្ដេចបញ្ជាក់ថា ការរស់រានមាន ជីវិតរបស់លោកយាយ លោកតា និង ក្មួយៗនាពេលនេះ គឺបានមកពីកិច្ចខិតខំ ប្រឹងប្រែងយ៉ាងខ្លាំងរបស់ប្រមុខថ្នាក់ដឹកនាំនៃគណបក្សប្រជាជនកម្ពុជាដែលបានរំដោះប្រជាពលរដ្ឋឱ្យរួចរស់រានមានជីវិត ពីរបបប្រល័យពូជសាសន៍ និងធ្វើឱ្យ កម្ពុជាមានសុខសន្ដិភាព និងការអភិវឌ្ឍ គ្រប់បែបយ៉ាង ចេញពីគំនរផេះផង់នៃ ភ្នក់ភ្លើងសង្គ្រាម ។
អំណោយដែលនាំយកមកចែកជូន នាពេលនេះកាកបាទក្រហមកម្ពុជាទទួលបានពីការចូលរួមប្រកបដោយទឹកចិត្ដ សប្បុរសធម៌របស់សប្បុរសជនគ្រប់ មជ្ឈដ្ឋានទាំងក្នុងនិងក្រៅប្រទេស ។ ថ្វី ដ្បិតការចែកជូននាពេលនេះមានតិច តួចមិនអាចឆ្លើយតបបានទៅនឹងតម្រូវការក៏ពិតមែនតែវាអាចជួយសម្រាលដល់ជីវភាពរស់នៅប្រចាំថ្ងៃរបស់ក្មួយៗ លោកយាយចាស់ជរា និងអ្នកផ្ទុកមេរោគ អេដស៍នៅអង្គការសង្គ្រោះជនអស់សង្ឃឹម បានមួយគ្រានិងទាន់ពេលវេលាផងដែរ។
សម្ដេចកិត្ដិព្រឹទ្ធបណ្ឌិតប្រធានបាន អំពាវនាវឱ្យក្មួយកំព្រា ឪពុកម្ដាយនា ពេលនេះត្រូវស្ដាប់ការទូន្មានប្រៀន ប្រដៅរបស់លោកគ្រូអ្នកគ្រូនៅក្នុងអង្គការនៅតាមសាលាដោយខិតខំរៀនសូត្រ ក្រេបជញ្ជក់យកចំណេះវិជ្ជាដើម្បីអនាគត ខ្លួនឯងនិងសង្គមជាតិនិងត្រូវធ្វើយ៉ាងណាជាគំរូល្អដល់យុវជនដទៃទៀតដែលដើរ តាមផ្លូវខុសប្រាសចាកសីលធម៌ និង ច្បាប់របស់សង្គមជាតិ ។
សម្ដេចកិត្ដិព្រឹទ្ធបណ្ឌិតអំពាវនាវ ជំរុញការលើកកម្ពស់ស្មារតីបំផុសទាក់ ទាញឱ្យក្មួយៗជាយុវជនមានការចូលរួមទាំងអស់គ្នាប្រកបដោយមនសិការថែម ទៀតក្នុងការអនុវត្ដយុទ្ធសាស្ដ្រប្រមូលផ្ដុំកម្លាំងសរុបរួមគ្នាទប់ស្កាត់ការរីករាលដាលមេរោគអេដស៍ តាមរយៈការបំផុស លើកទឹកចិត្ដឱ្យម្នាក់ៗហ៊ាននិយាយការ ពិតពីជំងឺអេដស៍ ជាពិសេសសូមកុំឱ្យ មានការរើសអើងចំពោះអ្នកផ្ទុកមេរោគ អេដស៍ និងអ្នកកើតអេដស៍ផ្ទុយទៅវិញ ត្រូវចេះជួយពួកគេទាំងស្មារតីនិងសម្ភារដើម្បីឱ្យពួកមានជំនឿលើខ្លួនឯង ចេះជួយ ដល់ក្រុមគ្រួសារនិងធ្វើអ្វីៗដែលមាន ប្រយោជន៍ដល់សង្គម ។
ម្យ៉ាងទៀតសម្ដេចកិត្ដិព្រឹទ្ធបណ្ឌិត បានណែនាំដល់យុវជនទាំងអស់សូមកុំ ភ្លើតភ្លើនភ្លេចខ្លួនដែលនាំឱ្យឆ្លងមេរោគអេដស៍ចូលផ្ទះបំផ្លាញជីវិតខ្លួនឯងផងនិងបំផ្លាញសុភមង្គលក្នុងក្រុមគ្រួសារផង និងបានសំណូមពរដល់បងប្អូនមានផ្ទុក និងអ្នកកើតជំងឺអេដស៍ទាំងអស់ឱ្យចូល កាន់តែសកម្មថែមទៀតក្នុងសង្គមជា មួយនិងការតាំងចិត្ដខ្ពស់ ដោយប្រែ ក្លាយខ្លួនពីអ្នកបង្កការរីករាលដាលមេ រោគអេដស៍ក្លាយជាអ្នកជួយទប់ស្កាត់ដ៏សកម្មនៃការរីករាលដាលនៃមេរោគនេះព្រមទាំងធ្វើអ្វីៗដែលផ្ដល់ផលប្រយោជន៍ដល់ក្រុមគ្រួសារនិងសង្គមជាតិ ។
បន្ទាប់មកសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន រួមនឹងប្រតិភូរួម ដំណើរបានចែកអំណោយជូនដោយផ្ទាល់ដៃដល់អង្គការសង្គ្រោះជនអស់សង្ឃឹម មាន អង្ករ២តោន, មី៥០កេស, ត្រីខ ២០កេស, សៀង១០០គីឡូក្រាម, ឆៃប៉ូវ ១០០គីឡូក្រាម, ទឹកសុទ្ធ១០០កេស, ផ្លែ ប៉ោម១០កេស, ផ្លែទំញំងបាយជូរ២០ កេស, ក្រូចឃ្វិច២០កេស, ផ្លែគូលែន ២៦០គីឡូក្រាម និងថវិកា៥លានរៀល។ ជូនកុមារ និងសិស្ស២៩៥នាក់ ក្នុងម្នាក់ៗ ទទួលបានសៀវភៅ២ក្បាល ប៊ិច១ និង ថវិកា៥ម៉ឺ៥ពាន់រៀល ។ ជូនលោកគ្រូ អ្នកគ្រូ បុគ្គលិក កម្មករ៧៥នាក់ ម្នាក់ៗ ទទួលបានថវិកា១០ម៉ឺនរៀល ។ អ្នកផ្ទុក មេរោគអេដស៍១១នាក់ ម្នាក់ៗថវិកា៦ ម៉ឺនរៀល ។ ជូនចាស់ជរា២៧នាក់ ម្នាក់ៗ ទទួលបានសំពត់១ដុំ និងថវិកា១០ម៉ឺនរៀល ព្រមទាំងផ្ដល់អាហារមួយពេលដល់កុមារ កំព្រា អ្នកផ្ទុកមេរោគអេដស៍ និងលោក យាយចាស់ជរាគ្មានទីពឹងសរុបទាំងអស់៥តុដែលមានបាយ ម្ហូប៤មុខ ផ្លែឈើ គ្រប់មុខនិងបង្អែមត្នោតមួយមុខផងដែរ។
ថវិកានិងកំណាត់សជាអំណោយដ៏ ថ្លៃថ្លារបស់សម្ដេចអគ្គមហាសេនាបតី តេជោ ហ៊ុន សែន និងសម្ដេចកិត្ដិព្រឹទ្ធ បណ្ឌិត ប៊ុន រ៉ានី ហ៊ុន សែន អង្ករស្បៀង និង សម្ភារជាអំណោយរបស់កាកបាទក្រហម កម្ពុជាដែលទទួលបានពីសប្បុរសជននានា។
បន្ថែមលើនោះដើម្បីជួយសម្រាល ទុក្ខលំបាកទាំងឡាយសម្ដេចអគ្គមហា សេនាបតីតេជោ ហ៊ុន សែន នាយក រដ្ឋមន្ដ្រីនៃព្រះរាជាណាចក្រកម្ពុជា និង សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន បានប្រកាផ្ដល់អង្ករ២តោន និង ថវិកា២លានរៀលជារៀងរាល់ខែដល់ អង្គការសង្គ្រោះជនគ្មានទីពឹងចាប់ពីខែ មិថុនា ឆ្នាំ២០១៣តទៅ ។
ដោយចង់ដឹងជាក់ស្ដែងពីស្ថានភាព រស់នៅរបស់ក្មួយ ជីដូនចាស់ជរា នៅក្នុង អង្គការសង្គ្រោះជនអស់សង្ឃឹមសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន និងប្រតិភូអមដំណើរបានទៅពិនិត្យស្រះទឹកមួយកន្លែងដែលជាប្រភពទឹកសម្រាប់ ប្រើប្រាស់នៅក្នុងអង្គការ ។
សម្ដេចកិត្ដិព្រឹទ្ធបណ្ឌិតបានណែនាំឱ្យអាជ្ញាធររាជធានីភ្នំពេញសម្អាត និងស្ដារ ស្រះទឹកឱ្យបានស្អាត ព្រមទាំងស្ថាបនា ជើងទេរសម្រាប់ឱ្យក្មួយៗចុះទៅដងទឹក បានស្រួលនិងរក្សាបានអនាម័យ និងបាន ទស្សនាអគារផ្សេងៗនិងទារកដ្ឋានក្នុង មណ្ឌលទៀតផង ។
បន្ទាប់មកសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន និងប្រតិភូអម ដំណើរបានអញ្ជើញដួសម្ហូបនិងបញ្ចុក អាហារជូនកុមារកំព្រាតូចៗប្រកប ដោយភាពស្និទ្ធស្នាលបំផុត ។
បន្ទាប់មកសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន និងប្រតិភូអម ដំណើរបានអញ្ជើញដួសម្ហូបនិងបញ្ចុក អាហារជូនកុមារកំព្រាតូចៗប្រកប ដោយភាពស្និទ្ធស្នាលបំផុត ។
គួរបញ្ជាក់ថា ពិធីចុះសាកសួរសុខទុក្ខ សំណេះសំណាលនិងនាំយកអំណោយ សប្បុរសធម៌កាកបាទក្រហមកម្ពុជា ព្រមទាំងទទួលទានអាហារជាមួយអ្នក ផ្ទុកមេរោគអេដស៍ កុមារកំព្រា ចាស់ជរា គ្មានទីពឹងនៅអង្គការសង្គ្រោះជនអស់ សង្ឃឹ បានបញ្ចប់ដោយសេចក្ដីរីករាយ និងស្និទ្ធស្នាលបំផុត ៕
_________________ប្រភព ពី cambodiapage.info
0 comments:
Post a Comment