ភ្នំពេញ ៖ បុរសពីរនាក់រងរបួសធ្ងន់ធ្ងរ នឹងម៉ូតូពីរគ្រឿងរងនូវការខូចខាតស្ទើទាំងស្រុង ក្នុងខណៈដែលបុរសម្នាក់បានបើករថយន្តកាមរីបាឡែន មួយគ្រឿងពណ៌ខ្មៅ បើកបុករះពេញទំហឹងកាលពីវេលាម៉ោង ១៨ នឹង ២៥ នាទីយប់ថ្ងៃទី ៣១ ខែឧសភា ឆ្នាំ ២០១៣ នៅតាមបណ្តោយផ្លូវសហព័ន្ធរុស្ស៊ីទល់មុខហាង សេនវេនឡាក់គីប្រាយ ក្នុងសង្កាត់ទឹកថ្លា ខណ្ឌសែនសុខ។ ក្នុងហេតុការណ៍នេះរថយន្តបង្កបានបន្តបើកបុករះរបាំងដែកពុះទ្រូងផ្លូវបាក់អស់ ៥ ផ្ទាំងថែមទៀត ទើបរថយន្តបន្តដំណើរទៅមុខលែងរួច ។
សាក្សីដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្តមួយគ្រឿងម៉ាកកាមរីបាឡែន ពណ៌ខ្មៅ ពាក់ស្លាកលេខភ្នំពេញ 2M 2015 ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីលិចទៅកើត លុះដល់ចំណុចកើតហេតុស្រាប់តែរេចង្កូតបុករះម៉ូតូពីរគ្រឿង ១គ្រឿងម៉ាកសេ ១២៥ ស៊េរី ២០១៣ នឹងមួយគ្រឿងទៀតម៉ាកវីវ៉ា ពណ៌ខ្មៅ បណ្តាលឲ្យម៉ូតូទាំងពីរគ្រឿងនេះរងការខូចខាតយ៉ាងដំណំ នឹងម្ចាស់ម៉ូតូចំនួនពីរនាក់ទៀតបានរងរបួសធ្ងន់ធ្ងរ ។ ប្រភពដដែលបន្តថាបន្ទាប់ពីបុកម៉ូតូរួចមកនោះ រថយន្តបង្កនៅបន្តល្បឿនជ្រុលទៅបុករះរបាំងដែកចែកទ្រូងផ្លូវបាក់ចំនួន ៥ផ្ទាំង ទៀត ទើបរថយន្តគាប់ ជាប់បន្តដំណើរទៅមុខលែងរួច ។
ក្រោយពីកើតហេតុជនរងគ្រោះត្រូវសមត្ថកិច្ចហៅរថយន្តសាមុយមកដឹកយកទៅសង្គ្រោះនៅមន្ទីរពេទ្យ ។ ចំណែកម៉ូតូរបស់ជនរងគ្រោះនឹងរថយន្តបង្កហេតុត្រូវសមត្ថកិច្ចជំនាញចុះមកអន្តរាគមន៍ធ្វើការវាស់វែងអូសយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយតាមផ្លូវច្បាប់។
សមត្ថកិច្ចបានបញ្ជាក់ថាគ្រោះថ្នាក់នេះបណ្តាលមកពីអ្នកបើកបររថយន្តកាមរីបាឡែន បើករថយន្តក្នុងល្បឿនលឿនពេកទើបបណ្តាលឲ្យជ្រុលបុករះម៉ូតូនឹងរបាំងដែកចែកទ្រូងផ្លូវតែម្តងទៅ៕ ជោគជ័យ
___________________
ប្រភពពី៖ ABC+
0 comments:
Post a Comment