អង្គភាពប្រឆាំងអំពើពុករលួយ បានព្រមានចាត់វិធានការចាប់ព្រះអង្គម្ចាស់ ស៊ីសុវត្ថិ ធម្មិកោ ដាក់ទោសតាមផ្លូវច្បាប់ ដោយសារតែព្រះអង្គមិនប្រកាសទ្រព្យសម្បត្តិកាលពីសប្ដាហ៍មុន។ ឥឡូវ ព្រះអង្គម្ចាស់ ធម្មិកោ បានប្រកាសទ្រព្យសម្បត្តិរួចហើយ ហើយព្រះអង្គក៏បានសម្រេចលាចាកពីតួនាទីក្នុងព្រះរាជវាំងផងដែរ។ ចុចស្តាប់
ព្រះអង្គម្ចាស់ ស៊ីសុវត្ថិ ធម្មិកោ បញ្ជាក់នៅថ្ងៃទី២៦ ឧសភា ថា ព្រះអង្គនឹងផ្ញើចុតហ្មាយមួយទៅព្រះមហាក្សត្រីជាផ្លូវការ នៅថ្ងៃទី២៩ ខែឧសភា ដើម្បីលាឈប់ពីតួនាទីជាព្រះរាជលេខាផ្ទាល់របស់សម្ដេចម៉ែ និងផ្តាច់ខ្លួនចេញទាំងស្រុងពីព្រះរាជខុទ្ទកាល័យព្រះមហាក្សត្រ។
ព្រះអង្គពន្យល់ពីមូលហេតុដែលលាឈប់ថា ដោយសារតែព្រះអង្គចង់ឲ្យស្ថាប័នព្រះមហាក្សត្រជាស្ថាប័នឯករាជ្យ មិនជាប់ពាក់ព័ន្ធនឹងបញ្ហានយោបាយ និងមិនចង់ឲ្យអ្នកនយោបាយអូសទាញស្ថាប័នព្រះមហាក្សត្រ ឬបញ្ចេញព្រះនាមព្រះមហាក្សត្រ ឬព្រះនាមរបស់ព្រះមហាក្សត្រី មកក្នុងឆាកនយោបាយទេ។ មួយវិញទៀត ការផ្តាច់ខ្លួនចេញពីស្ថាប័នព្រះមហាក្សត្រ ក៏ដើម្បីឲ្យព្រះអង្គអាចចូលរួមប្រឡូកក្នុងគណបក្សសង្គ្រោះជាតិ បាន ១០០%៖ «ខ្ញុំការពារព្រះកិត្តិនាមព្រះកិត្តិយសរបស់លោក ហេតុហ្នឹងហើយ បានខ្ញុំសម្រេចចិត្តផ្តាច់ខ្លួនចេញពីព្រះរាជខុទ្ទកាល័យ ហើយនិងពីព្រះរាជលេខាផ្ទាល់របស់សម្ដេចម៉ែ ដើម្បីចូលមកបម្រើគណបក្សសង្គ្រោះជាតិ»។
ព្រះអង្គម្ចាស់ ស៊ីសុវត្ថិ ធម្មិកោ បានឈរឈ្មោះជាបេក្ខជនតំណាងរាស្ត្រគណបក្សសង្គ្រោះជាតិ មណ្ឌលព្រះសីហនុ សម្រាប់ការបោះឆ្នោតជាតិនាខែកក្កដា ខាងមុខ។ ចុចអានបន្ត
ប្រពភ RFA
0 comments:
Post a Comment