ភ្នំពេញៈ អាជ្ញាធរបានប្រើឡានទឹក៣គ្រឿងបាញ់ទឹកមកលើហ្វូងប្រជាជនពលរដ្ឋអ្នកតវ៉ាបិទផ្លូវមុខសាលារាជធានីភ្នំពេញ បណ្តាលឲ្យស្ត្រីម្នាក់បានសន្លប់ ហើយអ្នកភូមិបានយំស្រែកទាមទារឲ្យរកយុត្តិធម៌ចំពោះការបំបែកដែលប្រើអំពើហិង្សា។
ប្រតិបត្តិការបំបែកក្រុមប្រជាពលរដ្ឋបឹងកក់ បូរីកីឡា និងថ្មគោល ធ្វើឡើងក្រោមការដឹកនាំបញ្ជាផ្ទាល់របស់លោកឧត្តមសេនីយ៍ឯកជួន សុវណ្ណ ស្នងការនគរបាលរាជធានីភ្នំពេញ។
លោកឧត្តមសេនីយ៍ឯកជួន សុវណ្ណ បានអះអាងថា ការចាត់វិធានការរបស់អាជ្ញាធរបង្ក្រាបដើម្បីបើកផ្លូវនៅមុខសាលាក្រុងនេះ គឺជាការបង្ខំចិត្តដោយសារតែប្រជាពលរដ្ឋដាក់ការស្នើសុំឲ្យមានការបើកផ្លូវ ហើយការបាញ់ទឹកបំបែកហ្វូងអ្នកតវ៉ានេះគឺមិនធ្ងន់ធ្ងរនោះទេ។
ផ្លូវនៅមុខសាលារាជធានីភ្នំពេញបានបើកឡើងវិញហើយ បន្ទាប់ពីអាជ្ញាធរបានប្រើឡានទឹកបំបែកក្រុមអ្នកតវ៉ា។ ចំណែកប្រជាពលរដ្ឋម្នាក់ដែលសន្លប់នោះ បានបញ្ជូនតាមរថយន្តសង្គ្រោះទៅមន្ទីរពេទ្យហើយ។
ផ្លូវនៅមុខសាលារាជធានីភ្នំពេញបានបើកឡើងវិញហើយ បន្ទាប់ពីអាជ្ញាធរបានប្រើឡានទឹកបំបែកក្រុមអ្នកតវ៉ា។ ចំណែកប្រជាពលរដ្ឋម្នាក់ដែលសន្លប់នោះ បានបញ្ជូនតាមរថយន្តសង្គ្រោះទៅមន្ទីរពេទ្យហើយ។
សូមបញ្ជាក់ថា នៅម៉ោងជាង៨ព្រឹកថ្ងៃនេះ ប្រជាពលរដ្ឋបឹងកក់ សហគមបូរីកីឡា និងសហគមថ្មគោល បានលើកបដាស្រែកតវ៉ានៅមុខសាលារាជធានីភ្នំពេញ និងបានបិទផ្លូវនៅមុខសាលារាជធានីភ្នំពេញ ក្នុងបំណងទាមទារឲ្យលោកប៉ា សុជាតិវង្ស អភិបាលសាលារាជធានីភ្នំពេញដែលទើបឡើងតំណែង គោរពនូវពាក្យសន្យារបស់លោក។
លោកប៉ា សុជាតិវង្ស បានសន្យាថា ស្វែងរកដំណោះស្រាយទំនាស់ដីធ្លីនៅក្នុងសហគមទាំង៣ នៅក្នុងដំណាច់ខែឧសភានេះ ប៉ុន្តែមកដល់ថ្ងៃនេះ ក្រុមសហគមបានមកធ្វើការតវ៉ា ដោយស្រែកទាមទារឲ្យលោកប៉ា សុជាតិវង្ស ចេញមកជួបអ្នកភូមិ គោរពនូវការសន្យារបស់ខ្លួន។ដោយ សំអាត
វីឌីអូ ពី RFA
0 comments:
Post a Comment