ខេត្ដស្ទឹងត្រែង ៖ នាងក្រមុំមានរូបឆោមលោមពណ៌ស្រស់ស្អាតម្នាក់សម្រេចចិត្ដ ផឹកថ្នាំបំពុលសត្វកណ្ដៀរធ្វើអត្ដឃាតបានសម្រេចបំណង ។ការធ្វើអត្ដឃាតដោយផឹកថ្នាំបំពុលសត្វកណ្ដៀររបស់នាងក្រមុំត្រូវបានក្រុមគ្រួសារបញ្ជាក់ឱ្យដឹងថា ផ្ដើមឡើងនៅវេលាម៉ោងប្រមាណជា ៧យប់ ថ្ងៃទី៩ ខែសីហា ឆ្នាំ២០១៣ នៅ ក្នុងបន្ទប់លើផ្ទះ ។ នាងមានឈ្មោះសាត ណាវី ស្ថិតក្នុងវ័យ១៧ឆ្នាំ ជាគ្រូបង្រៀន ក្នុងកម្រិតបឋមសិក្សានៃសាលារៀន មួយកន្លែងក្នុងស្រុកថាឡាបរិវ៉ាត់ រស់ នៅក្នុងបន្ទុកឪពុកម្ដាយ ស្ថិតក្នុងភូមិ-ឃុំ ថាឡា ស្រុកថាឡាបរិវ៉ាត់ ។
ក្រុមគ្រួសារនាងក្រមុំបានបញ្ជាក់ ទៀតថា នាងបានយកថ្នាំបំពុលសត្វ កណ្ដៀរមកផឹកមិនដឹងថា ផឹកអស់ប៉ុន្មាន នោះទេ ហើយពួកគាត់ក៏មិនបានដឹងច្បាស់ លាស់ដែរពីមូលហេតុក្នុងការប៉ុនប៉ងធ្វើ អត្ដឃាតរបស់នាង គ្រាន់តែដឹងថា នាង បានខ្វែងគំនិតគ្នាជាមួយគូដណ្ដឹងបន្ដិច បន្ដួចកាលពីពេលព្រលប់។ បន្ទាប់មក ពួកគេក៏បានបែកគ្នាទៅផ្ទះរៀងៗខ្លួន។ នៅពេលហូបបាយស្រាប់តែបាត់នាង មិនឃើញចេញមកហូបបាយ ក៏កើត ការងឿងឆ្ងល់ រួចបាននាំគ្នាចូលទៅមើល ក្នុងបន្ទប់ ស្រាប់តែឃើញនាងទន់ខ្លួន កក្លាក់ ហើយឃើញដបថ្នាំបំពុលសត្វ កណ្ដៀរនៅជិតនោះ ទើបដឹងថានាងបាន ពុលដោយសារផឹកថ្នាំនេះ ។ ភ្លាមនោះក្រុមគ្រួសារបានរួសរាន់ បញ្ជូននាងមកកាន់មន្ទីរពេទ្យបង្អែក ខេត្ដស្ទឹងត្រែង ដើម្បីសង្គ្រោះជីវិត ។
បើតាមការអះអាងរបស់ក្រុមគ្រួសារ នាងថា នាងមានគូដណ្ដឹងជាង៤ខែមកហើយ បើគិតមកត្រឹមនឹងថ្ងៃកើតហេតុ នេះ ហើយតាំងតែពីថ្ងៃភ្ជាប់ពាក្យរហូត មក នាងនិងគូដណ្ដឹងស្រឡាញ់គ្នាល្អូកល្អិន ប្រៀបដូចទឹកនិងត្រី ទៅណាទៅជាមួយគ្នា មានចំណីមួយម៉ាត់ក៏ចែកគ្នាហូបដែរ។ ការស្រឡាញ់គ្នានោះពួកគេ មិនដែល មានការសៅហ្មងនឹងគ្នាទេ ស្រាប់តែពេល នេះមានការខ្វែងគំនិតគ្នាតិចតួចមិនគួរ ណានាងសម្រេចចិត្ដយកថ្នាំបំពុលសត្វ កណ្ដៀរមកផឹកប៉ងធ្វើអត្ដឃាតទាំងខ្លួននៅវ័យក្មេងយ៉ាងនេះសោះ ។
ប្រភពចុងក្រោយបានឱ្យដឹងថា នាងក្រមុំដែលផឹកថ្នាំពុលបានស្លាប់នៅក្នុង មន្ទីរពេទ្យទៅហើយ ដោយស្ថានភាពជំងឺ មិនអាចសង្គ្រោះបាន ។ សពត្រូវបានក្រុមគ្រួសារដឹកយកទៅធ្វើបុណ្យតាម ប្រពៃណីទាំងអាឡោះអាល័យពីក្រុមគ្រួសារ ជាពិសេសបុរសជាគូដណ្ដឹង ៕
_____________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
Read more: http://www.cambodiapage.info/
0 comments:
Post a Comment