អគ្គិភ័យឆាបឆេះ ផ្សារទួលសង្កែ ទៀតហើយ

ភ្នំពេញ៖ អគ្គិភ័យបានឆាបឆេះផ្សារទួលសង្កែ ម្តងទៀតហើយ នៅម៉ោង ៦ល្ងាចថ្ងៃសៅរ៍ ទី១០ ខែសីហា ឆ្នាំ២០ ១៣នេះ។ ភ្លាមៗ នេះ មិនទាន់មានការបញ្ជាក់ពីសមត្ថកិច្ចពីមូលហេតុ នៃការឆាប់ឆេះនៅឡើយទេ។

តែទោះជាយ៉ាងណាសមត្ថកិច្ចជំនាញពន្លត់អគ្គិភ័យ រួមជាមួយអាជ្ញាធរ សមត្ថកិច្ចមូលដ្ឋាន កំពុងតែមមាញឹកជួយ អន្តរាគមន៍ បាញ់ពន្លត់អគ្គិភ័យ ដ៏សន្ធោសន្ធៅនេះ។ ជាមួយគ្នានេះ សេចក្តីរាយការណ៍ជំហានដំបូង បានបញ្ជាក់ផងដែរ ការឆាបឆេះអាចមានទ្រង់ទ្រាយធំ ព្រោះអគ្គិភ័យបានឆាបឆេះចេញពីកណ្តាលផ្សារតែម្តង។

សូមបញ្ជាក់ផងដែរថា ផ្សារទួលសង្កែ ស្ថិតក្នុងសង្កាត់ទួលសង្កែ ខណ្ឌឬស្សីកែវ ក្បែររង្វង់មូលស្ពានជ្រោយចង្វារ ធ្លាប់បានឆេះម្តងរួចមកហើយកាលពីចុងឆ្នាំ២០១២៕

_______________________
ប្រភពព័ត៌មានពី៖ ដើមអម្ពិល

Read more: http://www.cambodiapage.info/