វ៉ិបសាយថ៍របស់ក្រសួងការបរទេសនៃសហរដ្ឋអាម៉េរិកផ្សព្វ ផ្សាយនូវកម្មវត្ថុមួយក្នុងការផ្ដល់ព័ត៌មានហេតុការណ៍ថ្មីៗប្រចាំ ថ្ងៃទី១២ខែសីហាជាម៉ោងនៅក្រុងវ៉ាស៊្ហីងតោន ដោយនិយាយថាសម្រាប់ប្រទេសកម្ពុជា កម្មវិធីយោធារបស់សហរដ្ឋអាម៉េរិកត្រូវបានផ្អាកឬលុបចោលក៏បាន សរសេរនៅក្បែរនោះទៀតថា គណៈកម្មការរៀបចំការបោះ ឆ្នោតជាតិ។ ប៉ុន្តែមានរបាយការណ៍ព័ត៌មានផងដែរថា នៅថ្ងៃនេះដែរ មន្រ្តីយោធាកម្ពុជាបានច្រាលដោយថាមិនមានការសម្រេចដូច្នេះទេ។
ស្របពេលគ្នានេះដែរ គេហទំព័ររបស់សារព័ត៌មាននៅសហរដ្ឋអាម៉េរិកយ៉ាងតិចបីបានចុះផ្សាយអត្ថបទព័ត៌មានថាដូចៗគ្នាថា កម្ពុជាផ្អាកកម្មវិធីយោធាជាមួយសហរដ្ឋអាម៉េរិក។ ប្រភពដដែលនិយាយថាកម្ពុជាទំនងអនុវត្តន៍នូវវិធានការដើម្បីបង្ការកុំឲ្យសមាជិកសភាមួយចំនួនរបស់សហរដ្ឋអាម៉េរិកបន្តចេតនាចង់កាត់ជំនួយទៅកម្ពុជាទាក់ទងនឹងបញ្ហាបោះឆ្នោតនៅកម្ពុជា។ ប្រភពព័ត៌មានទាំងនេះលើកឡើងថា ក្រសួងការបរទេសរបស់អាម៉េរិកមិនបានផ្ដល់សេចក្ដីលម្អិតទេ ប៉ុន្តែអ្នកនាំពាក្យម្នាក់របស់ក្រសួងការបរទេសអាម៉េរិកលោកស្រី Marie Harf ថ្លែងថាអាម៉េរិកសង្ឃឹមថាការផ្អាកនេះនឹងមិនបះពាល់ដល់ទំនាក់ទំនងទាំងស្រុងរវាងកម្ពុជានិងសហរដ្ឋអាម៉េរិកនោះឡើយ។
ភ្លាមនេះៗនេះវិទ្យុអូស្រ្តាលីបានស្វែងសុំការបញ្ជាក់ពីភាគកម្ពុជាប៉ុន្តែនៅព្រឹកមិញនេះវិទ្យុអូស្រ្តាលីមិនអាចទាក់បានតាមទូរស័ព្ទជាមួយលោកឈុំ សុជាតិអ្នកនាំពាក្យក្រសួង ការពារជាតិកម្ពូជាឬមន្រ្តីជាន់ខ្ពស់របស់ក្រសួងនេះបានទេដោយរាប់បញ្ចូលទាំងលោករដ្ឋមន្រ្តីការពារផងដែរ។ ចំណែកឯអ្នកនាំពាក្យរបស់ស្រសួងការបរទេសកម្ពុជាលោកកុយគួងក៏មិនអាចទាក់ទងបានដែរនៅពេលមុននេះ។ អ្នកនាំពាក្យរបស់ទីស្ដីការគណៈរដ្ឋមន្រ្តី លោកផៃស៊ីផានមានប្រសាសន៍ថាលោកមិនទាន់បានទទួលអំពីដំណឹងដែលថាកម្ពុជាផ្អាកកម្មវិធីយោធាជាមួយសហរដ្ឋអាម៉េរិកនោះទេ។ ម្យ៉ាងទៀតលោកថាវាខុសពីមុខសញ្ញានិងតួនាទីរបស់លោកផងប៉ុន្តែលោកអាចចូលរួមផ្ដល់នូវទស្សនៈផ្ទាល់ខ្លួនថានេះគឺជាការឆ្លើយតបនឹងចេតនារបស់ក្រុមសមាជិកសភាខ្លះរបស់អាម៉េរិកដែលចង់ដាក់ទណ្ឌកម្មលើកម្ពុជា៖
(សំឡេង)
កាសែត The Capital នៅសហរដ្ឋអាម៉េរិកនិយាយថាកម្មវិធីយោធារវាងកម្ពុជានិងអាម៉េរិកបានរីកធំឡើងនៅឆ្នាំ២០០៦ ដោយរាប់បញ្ចូលទាំងការផ្ដល់ជំនាញដល់មន្រ្តីយោថាខ្មែរនិងការធ្វើសមយុទ្ធយោធាជាប្រចាំ។ ជំនួយយោធារបស់អាម៉េរិកផ្នែកនាវាចរណ៍ ប្រឆាំងភេរវកម្មនិងប្រតិបត្តិការផ្នែកមនុស្សធម៌ គឺជាផ្នែកតូចមួយនៃជំនួយ៧០លានដុល្លារក្នុងមួយឆ្នាំសម្រាប់កម្ពុជា។
ទាក់ទងនឹងបញ្ហានេះអ្នកវិភាគឯករាជ្យលោក កែម ឡី ផ្ដល់ការវិភាគថា ប្រសិនបើមានការផ្អាកជំនួយនេះពិតនោះគឺជាការខាតបង់សម្រាប់កម្ពុជា។
(សំឡេង)
ក្រោយម៉ោងកម្មវិធីផ្សាយរបស់ខ្លួនវិទ្យុអូស្រ្តាលីបានសង្កេតឃើញថាកាសែតភ្នំពេញប៉ុស្តិ៍ចុះផ្សាយថាក្រសួងការពារជាតិកម្ពុជាបានធ្វើសន្និសីទសារព័ត៌មានច្រានចោលការអះអាងរបស់អាម៉េរិក?
អ្វីដែលជាសំណួរមួយទៀតនោះតើការសម្រេចបែបនេះបានធ្វើនៅពេលណា ហើយតើអាម៉េរិកបានមកពីណា? ចុះតើរដ្ឋាភិបាលចាំផ្ទះអាចសម្រេចចិត្តបានដែរទេក្នុងរដ្ឋធម្មនុញ្ញ? ទីភ្នាក់ព័ត៌មានកម្ពុជា AKP បានផ្សាយថ្ងៃទី១៣សីហាថា លោកសុខអានរដ្ឋមន្រ្តីទទួលបន្ទួលបន្ទុកគណៈរដ្ឋមន្រ្តីបានបើកការពិភាក្សាមួយកាលសពីថ្ងៃសុក្រមុនស្ដីអំពីបញ្ហាក្រោយការបោះឆ្នោតប៉ុន្តែព័ត៌មាននេះមិនបានរំលឹកអំពីការផ្អាកកម្មវិធីយោធាឡើយ៕
ប្រភពពី ABC Radio Australia
Read more: http://www.cambodiapage.info/
0 comments:
Post a Comment