ភ្នំពេញ: ក្រុមនិស្សិតនៅសាកលវិទ្យាល័យអន្តរជាតិជំនាន់ទី៦និងទី៧ប្រមាណ៧៨៤នាក់កាលពីព្រឹកថ្ងៃទី៤ ខែសីហា ឆ្នាំ២០១៣នេះបានប្រមូលផ្តុំគ្នានៅពីមុខសាកលវិទ្យាល័យ អន្តរជាតិ ធ្វើការតវ៉ាដើម្បីស្នើរសុំទៅអ្នកគ្រប់គ្រងបញ្ចុះតំលៃសិក្សាសំរាប់១ឆ្នាំបន្ថែម។
ក្រុមនិស្សិតបានឲ្យដឹងគ្រប់ៗគ្នាថា ពួកគាត់បានចូលរៀនចាប់ពីឆ្នាំ២០០៥និងអ្នកខ្លះចូលរៀននៅឆ្នាំ២០០៦គឺសិក្សារយះពេល៦ឆ្នាំនិងត្រូវប្រឡងបញ្ចប់ ដើម្បីទទួលបាន សញ្ញាបត្រថ្នាក់វេជ្ជបណ្ឌិតទូទៅ។
ជាមួយគ្នានេះដែរនិស្សិតដដែលបានឲ្យដឹងទៀតថា ដោយឡែកសាកលវិទ្យាល័យអន្តរដែលបានប្តេជ្ងាចិត្តធ្វើសមាហរណកម្មទាំង២ជំនាន់ដោយយោងតាមសារាចរណែនាំរបស់ទីស្តីការគណះរដ្ឋមន្ត្រីកាលពីឆ្នាំ២០០៧ក៍ពុំបានធ្លាប់ប្រាប់ថា ជំនាន់ពួកកគាត់នេះនឹងត្រូវសិក្សារយៈពេល៨ឆ្នាំម្តងណាឡើយហើយនៅពេលនេះអ្វីទាំងអស់គឺខាងសាកលវិទ្យាល័យត្រូវទទួលខុសត្រូវនូវកំហុសនេះ។
ដោយមើលឃើញពីភាពអសកម្មរបស់សាកលវិទ្យាល័យមិនអាចធ្វើការស្នើសុំក្រសួងសុខាភិបាលដើម្បីឲ្យពួកគាត់ប្រឡងបញ្ចប់បានទើបពួកគាត់បាននាំគ្នាជួយចេញមុខធ្វើការតវ៉ានិងទាមទារឲ្យមានការប្រឡងបញ្ចប់ហើយពួកគាត់ក៍មិនបានឲ្យសាកលវិទ្យាល័យទទួលខុសត្រូវតាមលក្ខ័ណដែលបានប្រាប់និស្សិតនៅពេលចូលរៀនថាត្រូវរៀនរយះពេល៦ឆ្នាំនោះទេ។
បន្ទាប់ពីកិច្ចប្រជុំរវាងសាកលវិទ្យាធិការនៃសាកលវិទ្យាល័យនិងនិស្សិតកាលពីថ្ងៃទី២១ ខែកក្តដា ឆ្នាំ២០១៣កន្លងទៅនេះគឺនិស្សិតភាគច្រើនមិនអាចទទួលយកបាននៅតំលៃដែលត្រូវបង់ថ្លៃសិក្សាបន្ថែម១ឆ្នាំទៀតបានទេ។
ដូច្នេះហើយនៅថ្ងៃនេះពួកគាត់ជាតំណាងនិស្សិតទាមង៧៨៤នាក់បាននាំគ្នាធ្វើការតវ៉ានិងស្នើរសុំទៅលោកសាបូ អូហ្សាណូសាកលវិទ្យាធិការនៃសាកលវិទ្យាល័យ អន្តរជាតិ មេត្តាបញ្ចុះតំលៃពី២១០០ដុល្លារមកនៅត្រឹម១៥០០ដុល្លារក្នុង១ឆ្នាំ។
ការតេវ៉ារបស់និស្សិតទាំង២ជំនាន់នេះឃើញមានការលើកបដានិងដុតកង់ឡានតែត្រូវបានកម្លាំងសមត្ថកិច្ចខណ្ឌដែលសុខនិងលោកអភិបាលរងខណ្ឌបានចុះទៅធ្វើការសម្របសម្រួលនិងបានឲ្យនិស្សិតទាំងអស់ទៅប្រមូលផ្តុំគ្នានៅមុខសាកលវិទ្យាល័យវិញជាការល្អចៀសវាងការបាត់បង់សណ្តាប់ធ្នាប់និងការកកស្ទះចរាចរណ៍។
រហូតមកដល់ពេលនេះមិនទាន់ឃើញថ្នាក់គ្រប់គ្រងសាកលវិទ្យាល័យអន្តរជាតិចេញមកធ្វើការពិភាក្សាឬរិះរកវិធីណាមួយដោះស្រាយជាមួយនិស្សិត ដោយ សន្តិវិធីណាមួយឡើយ៕
ប្រភពពី CEN
Read more:http://cambodiapage.info/
0 comments:
Post a Comment