លោកកឹម សុខា ប្រធានស្តីទីគណបក្សសង្រ្គោះជាតិ បានថ្លែងនៅក្នុងវេទិកាពិភាក្សារបស់វិទ្យុអាស៊ីសេរី កាលពីរាត្រីថ្ងៃទី៩ សីហាថា មានមនុស្សមួយក្រុមជិះ ម៉ូតូពី៤ ទៅ៥គ្រឿងតាមឃ្លាំមើលសកម្មភាពរបស់លោកនៅទីស្នាក់ការកណ្តាលគណបក្សសង្រ្គោះជាតិ ក្នុងរាជធានីភ្នំពេញ និងតាមពីក្រោយរថយន្តរបស់លោកពេលលោកធ្វើដំណើរតាមរថយន្តផ្ទាល់ខ្លួន ចេញពីការិយាល័យ ។
លោកបានបញ្ជាក់ថា សកម្មភាពតាមឃ្លាំ មើលរបស់ជនទាំងនោះ បានធ្វើឡើង ពេញមួយថ្ងៃ គឺនៅថ្ងៃទី៩ កក្កដានេះ ។ លោកកឹម សុខា បានហៅសកម្មភាពនេះថាជាការបំភិតបំភ័យផ្នែកនយោបាយ ។
ប្រធានស្តីទីគណបក្សសង្រ្គោះជាតិរូបនេះ មានប្រសាសន៍ទៀតថា ក្រុមការងាររបស់លោកបានតាមប្រម៉ាញ់ថតរូបជនទាំងនោះ ហើយនឹងធ្វើលិខិតប្តឹងទៅលោកឧបនាយករដ្ឋមន្រីស ខេង រដ្ឋមន្ត្រីក្រសួងមហាផ្ទៃ ស្តីពីសកម្មភាពបំភិតបំភ័យនេះ នៅព្រឹកថ្ងៃទី១០ សីហានេះ។
គេនៅមិនទាន់ទទួលចម្លើយពីខាងរដ្ឋាភិបាលជុំវិញបណ្តឹងផ្ទាល់មាត់តាមរលកធាតុអាកាសរបស់លោកកឹម សុខា អំពីការបំភិតបំភ័យ ដែលលោកបានលើកឡើងនេះនៅឡើយទេ ៕
ប្រភពពី Free Press Magazine
Read more: http://www.cambodiapage.info/
0 comments:
Post a Comment