ភ្នំពេញ: លោក ជូង ជូងី មេធាវីការពារក្តីលោកកឹម សុខា ដែលជាប្រធានស្តីទីគណបក្សសង្គ្រោះជាតិ បានយកលិខិតទៅដាក់ជូន ព្រះរាជអាជ្ញាសាលាដំបូងរាជធានីភ្នំពេញ កាលពីព្រឹកថ្ងៃទី៣ ខែកក្កដា ឆ្នាំ២០១៣ ដើម្បីសុំពន្យារពេលនៃការចូលខ្លួនរបស់លោកលោកកឹម សុខា តាមបណ្តឹងរបស់ក្រុមជនរងគ្រោះរស់រានមានជីវិតពីការសម្លាប់នៅគុកទួលស្លែង។
សូមរម្លឹកថា ជនរងគ្រោះក្នុងរបបកម្ពុជាប្រជាធិបតេយ្យ(របបខ្មែរក្រហម)ចំនួន៤នាក់ គឺលោកជុំ ម៉ី,លោក នង ចាន់ផល,លោក នង ចាន់ថន និងអ្នកស្រី ជិន ម៉េត បានដាក់ពាក្យបណ្តឹងប្តឹងលោកកឹម សុខា ពីបទបរិហាកេរ្តិ៍ និងទាមទារសំណងជំងឺចិត្ត ១ពាន់ដុល្លារ ទៅសាលាដំបូងរាជធានីភ្នំពេញ កាលពីថ្ងៃទី១៤ ខែមិថុនា ឆ្នាំ២០១៣។ ហើយនៅថ្ងៃទី២៤ ខែមិថុនា ឆ្នាំ២០១៣ តុលាការបានកោះហៅជនរងគ្រោះទាំង៤នាក់ ចូលបំភ្លឺអំពីដំណើររឿងដែលបានប្តឹងលោកកឹម សុខា៕
ប្រភពពី CEN
