មានវីដេអូ៖ សម្រែកដូរ មិនដូរនឹងការស្រែកដូរចែក ធ្វើឲ្យរញ្ជួយរាជធានីភ្នំពេញ

9:09 AM

ភ្នំពេញ៖នៅថ្ងៃទី២៦ ខែកក្កដា ឆ្នាំ២០១៣គឺការបិទបញ្ចប់ការដង្ហែឃោសនារបស់គណបក្សនីមួយៗ អ្វីដែលធ្វើឲ្យប្រជាពលរដ្ឋរញ្ជួយអារម្មណ៍នឹងម្នាក់ៗចេញមកពីទីលំនៅ ឈរត្រៀបត្រាខ្លះស្រែកអបអរ ខណៈពេលឃើញគណបក្ស ដែលខ្លួនពេញចិត្តនិងបានលើកដៃជាសញ្ញាថែមទៀត ។ប៉ុន្តែប្រជាពលរដ្ឋខ្លះមិនពេញចិត្តមិនបានលើកដៃជាសញ្ញានិងថែមទាំងស្រែកឌឺដងដាក់ឲ្យថែមទៀត ។ទោះយ៉ាងណានៅថ្ងៃឃោសនាផ្តាច់ព្រាតនេះ គេឃើញគណបក្សធំៗ២គឺគណបក្សប្រជាជននិងគណបក្សសង្គ្រោះជាតិបានបង្ហាញសាច់ដុំដាក់គ្នា ពោលគឺប្រមូលសមាជិកគាំទ្រ រាប់សែននាក់មកជិះម៉ូតូរថយន្ត រួចស្រែកហូរកញ្ច្រៀវត្រហឹងអឺងកង ថាដូរមិនដូរ នឹងដូរចែក ។

ក្នុងថ្ងៃឃោសនាចុងក្រោយនេះតាំងពីព្រឹក រហូតដល់យប់ម៉ោង៨និង៤០នាទីយប់នេះ គេមិនឃើញអ្វីដែលគួរឲ្យកត់សម្គាល់ ពោលគឺគណបក្សធំៗទាំង២ ដែលមាននិនាការប្រឆាំងគ្នា ដ៏ស្រួចស្រាវ មិនបានប៉ះទង្គិចគ្នាទៅវិញទៅមកគួរឲ្យធ្ងន់ធ្ងរនោះទេ បើទោះបីស្រែកឌឺដងគ្នាទៅវិញទៅមកយ៉ាងណាក៏ដោយ ។

ចំពោះសមត្ថកិច្ចវិញក៏បានស្រួចស្រាវក្នុងការការពារសុវត្ថិភាពជូនគណបក្សក្នុងការធ្វើយុទ្ឋនាការបិទបញ្ចប់ឃោសនានៅថ្ងៃនេះដែរ ។ប៉ុន្តែអ្វីដែលគេកត់សម្គាល់ឃើញនោះសមត្ថកិច្ចហាក់បីដូចជាយកចិត្តទុកដាក់ចំពោះតែគណបក្សកាន់អំណាចប៉ុណ្ណោះ ដែលទង្វើនេះធ្វើឲ្យមហាជនធ្វើការរិះគន់ឥតសំចៃមាត់ថាសមត្ថកិច្ចគួរតែឈរនៅកណ្តាលមិនត្រូវមានឆន្ទៈលំអៀងនោះទេ ។តែទោះបីយ៉ាងណាសមត្ថកិច្ចតូចតាចដែលឈរការពារនៅតាមដងផ្លូវបានសម្តែងការមិនពេញចិត្តនោះដែរ បើរស់នៅក្រោមអំណាចគេ ។

យើងគួរឲ្យអាណិតពេកក្រៃ ខណៈពេលដែលរដូវបោះឆ្នោត១ខែនេះមានអ្នកខ្លះដេកមិនលក់ព្រោះតែខ្លាចនិងស្រមោលខ្លួនឯងនៅពេលដែលអស់អំណាច តើអញទៅជ្រកនៅកន្លែងណា ដើម្បីរស់នោះ ៕