លោក សៅ សំណាង អាយុ ៤៦ ឆ្នាំ ជាអ្នករស់នៅស្រុងអណ្តូងទឹក ខេត្តកោះកុង បាននិយាយឲ្យដឹងថា ពលករខ្មែរចំនួន ១៧ នាក់ ដែលសុទ្ធតែជាអ្នកភូមិរស់នៅ ជាមួយគ្នាបានចាញ់បោកមេខ្យល់ពីរនាក់បី្តប្រពន្ឋមួយគូរលួងលោមថា ធ្វើការនៅលើកប៉ាល់ប្រេងនៅ ប្រទេសថៃ នឹងទទួលបានបាក់ប្រាក់ខែ ៧០០០ បាតក្នុងមួយខែ។
លោកថា តែនៅពេលទៅដល់ប្រទេសថៃ ពួកគេឡើងទូកមួយ ដោយអ្នកបើបរទូកនិយាយថា កប៉ាល់នេះ នឹងធ្វើដំណើរទៅនេសាទ ឆ្លងដែនប្រទេសមិនមែនកប៉ាល់ប្រេងនោះទេ ទើបពួកគេនាំគ្នាលោតពីលើទូកនេសាទនោះមកជួបតម្រួតថៃឲ្យជួយបញ្ជូនមកស្រុកវិញ។
ពលករម្នាក់ឈ្មោះ វ៉ែន គីន អាយុ ៣៤ ឆ្នាំ បាននិយាយឲ្យដឹងថា ពួកគេបានចាកចេញពីខេត្តកោះកុងនៅថ្ងៃទី ២០ កក្កដា ដោយជឿតាមមេខ្យល់ដោយដើរតាមព្រៃច្រករបៀងខ្លះដើរតាម ច្រកខាវង្ស ទើបទៅដល់ដីថៃ។
លោកថា «ពួកយើងខ្លាច គេកេងប្រវ័ញ្ចកម្លាំងពលកម្មធ្វើការគ្មានប្រាក់ខែ ទើបសម្រេចចិត្តលោតចេញពីទូក»។
លោក នាង បូរ៉ាទីណូ អ្នកសម្របសម្រួលសមាគមអាដហុក ប្រចាំខេត្តកោះកុង បានឲ្យដឹងថា ពួកគេទាំង ១៧ នាក់ត្រូវបានមេខ្យល់នាំយកទៅធ្វើការចុះទុកនៅថៃ ហើយរត់មកស្រុកកំណើតវិញដើម្បីប្តឹងមកសមាគមដើម្បីជួយអន្តរាគមក្នុងករណីនេះ។
យ៉ាងណាក៏ដោយសមត្ថកិច្ចកំពុងតាមស៊ើបរកមេខ្យល់ដែលពលករទាំង ១៧ នាក់នោះអះអាងថា បោកពួកគេយកទៅលក់នៅទូកនេសាទថៃ។
ប្រភពពីភ្នំពេញប៉ុស្តិ៍
