ក្រុងរីយ៉ូដេចាណៃរ៉ូៈ ក្រុមយុវជនបានប៉ះទង្គិចជាមួយប៉ូលិសនៅកណ្ដាលទីក្រុងរីយ៉ូកាលពីថ្ងៃចន្ទ ខណៈពលរដ្ឋជាង២០ម៉ឺននាក់បានដើរក្បួននៅតាមទីក្រុងប្រេស៊ីលសំខាន់មួយចំនួនដើម្បីតវ៉ាពីប្រាក់រាប់ពាន់លានដុល្លារដែលចំណាយលើកម្មវិធីសហព័ន្ធបាល់ទាត់ (Confederation Cup) និងចំណាយដឹកជញ្ជូនសាធារណៈកាន់តែច្រើន។
បាតុកម្មទូទាំងប្រទេសមានលក្ខណៈអហិង្សាបន្តិច។ ការតវ៉ាពីការបង្កើនថ្លៃដឹកជញ្ជូនច្រើនពីចំនួន១.៥ដុល្លារទៅ១.៦ដុល្លារបានចាប់ផ្ដើម១០ថ្ងៃកន្លងទៅនៅទីក្រុងសៅផាលូ រយៈពេលជាច្រើនថ្ងៃមុនពេលបើកសម្ភោធកម្មវិធីសហព័ន្ធបាល់ទាត់។ កម្មវិធីកម្សាន្តនេះនាំមកនូវក្រុមជម្រើសជាតិចំនួន៨មកពីទូទាំងពិភពលោកនៅក្នុងទីក្រុងរៀបចំកម្មវិធីនេះចំនួន៦នៅប្រទេសប្រេស៊ីល។
ចលាចលនេះបានរាលដាលយ៉ាងលឿនទៅកាន់ទីក្រុងមួយចំនួនទៀតជាមួយក្រុមបាតុករដោយផ្ដោតលើកំហឹងខ្លួនមិនត្រឹមតែទៅថ្លៃដឹកជញ្ជូនប៉ុណ្ណោះទេ តែក៏ផ្ដោតលើទឹកប្រាក់ចំនួន១៥ពាន់លានដុល្លារដែលរដ្ឋាភិបាលកំពុងលៃទុកសម្រាប់កម្មវិធីសហព័ន្ធបាល់ទាត់ និងពានវង្វាន់ World Cup ផងដែរ។
ប៉ូលិសបានប្រើឧស្ម័នបង្ហូរទឹកភ្នែក បាញ់ម្រេច និងគ្រាប់កាំភ្លើងកៅស៊ូដើម្បីបំបែកក្រុមយុវជនតូចៗដែលពាក់ព័ន្ធនឹងសកម្មភាពដុតបំផ្លាញទ្រព្យសម្បត្តិសាធារណៈនៅជិតសភានីតិបញ្ញត្តិរបស់រដ្ឋក្នុងទីក្រុងរីយ៉ូ។
ប្រភពពី ភ្នំពេញប៉ុស្តិ៍
