ខេត្ដបន្ទាយមានជ័យ ៖ មនុស្ស៣នាក់ ជិះម៉ូតូ១គ្រឿងឌុបគ្នាបានរងរបួសធ្ងន់ និងស្រាលខណៈជិះម៉ូតូបុកគោកំពុងដើរឆ្លងថ្នល់នៅវេលាម៉ោង៩យប់ថ្ងៃទី២៤ ខែមិថុនា ឆ្នាំ២០១៣ លើកំណាត់ផ្លូវជាតិ លេខ៥៩ ស្ថិតក្នុងភូមិទួលពង្រ ឃុំទួល ពង្រ ស្រុកម៉ាឡៃ ខេត្ដបន្ទាយមានជ័យ ។
តាមប្រភពព័ត៌មានពីនាយប៉ុស្ដិ៍នគរបាលទួលពង្របានឱ្យដឹងថា ជនរងគ្រោះ ក្នុងឧបទ្ទវហេតុខាងលើ១-ឈ្មោះ អាន ផល ភេទប្រុស អាយុ៣៥ឆ្នាំ ជាអ្នកបើក បរម៉ូតូម៉ាកហុងដាឌ្រីមC125 ពណ៌ខ្មៅ ស៊េរីឆ្នាំ២០១២ ពាក់ស្លាកលេខ ប.មាន ជ័យ1C-9945រងរបួសធ្ងន់បែកក្បាល ២-ឈ្មោះយៀន វីណា ភេទប្រុស អាយុ ១៩ឆ្នាំ របួសធ្ងន់បាក់ធ្មេញ និង៣-ឈ្មោះ លិញ ចន្ទ្រា ភេទប្រុស អាយុ ២១ឆ្នាំ របួសស្រាល អ្នកទាំង៣នាក់ មានទីលំ នៅភូមិអូរជ្រៅ ឃុំកូបស្រុក អូរជ្រៅ ខេត្ដបន្ទាយមានជ័យ ។
តាមប្រភពពីសាក្សីឃើញហេតុ ការណ៍បានឱ្យដឹងថាមុនពេលកើតហេតុ គេឃើញជនរងគ្រោះជិះម៉ូតូមកពីទិស ខាងលិចទៅកើតក្នុងល្បឿនយ៉ាងលឿន ពេលមកដល់ចំណុចកើតហេតុខាងលើចាំងភ្នែកនឹងភ្លើងហ្វារថយន្ដបើកបរ ច្រាសទិសគ្នា មើលសត្វគោញី១ក្បាល ដែលដើរកាត់ផ្លូវមិនឃើញក៏បុកពេញ ទំហឹងបណ្ដាលឱ្យអ្នកជិៈម៉ូតូទាំង៣នាក់ រងរបួសធ្ងន់និងស្រាល ។ ជនរងគ្រោះ ត្រូវបានគេដឹកយកទៅសង្គ្រោះនៅ មន្ទីរពេទ្យបង្អែកក្រុងប៉ោយប៉ែត ចំណែក សត្វគោញីមួយក្បាលងាប់ភ្លាមៗមួយ រំពេច ។
លោកនាយនគរបាលប៉ុស្ដិ៍បានបញ្ជាក់ថាក្រោយពេលកើតហេតុមិនមាននរណាម្នាក់ហ៊ានចេញមុខអះអាងថាជាម្ចាស់ គោនោះឡើយហើយគោ ១ក្បាលនេះ ត្រូវបានប្រគល់ឱ្យក្រុមគ្រួសារជនរងគ្រោះដើម្បីលក់យកប្រាក់ព្យាបាល របួសផងដែរ ៕
________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
