ភ្នំពេញ៖ រ៉ឺម៉កកង់បី មួយគ្រឿងក្រឡាប់ផ្ងារជើង នឹង បុរសម្នាក់រងរបួសធ្ងន់ធ្ងរ ក្នុងខណៈដែលកំពុងជិះរ៉ឺម៉ក ហើយត្រូវរថយន្តធុនធំមួយគ្រឿងបើកបុកពីក្រោយពេញទំហឹង កាលពីវេលាម៉ោង ១ នឹង ៣០ នាទីយប់ថ្ងៃទី ០៤ ខែមិថុនា ឆ្នាំ ២០១៣ នៅចំណុចផ្លូវ ២៧១ ក្នុងសង្កាត់ផ្សារដើមថ្កូវ ខណ្ឌចំការមន ។
សមត្ថកិច្ចបានឲ្យដឹងថា មុនពេលកើតហេតុគេបានឃើញបុរសម្នាក់វ័យជាង ៣០ឆ្នាំ បានជិះរ៉ឺម៉កកង់បីមួយគ្រឿងធ្វើដំណើរតាមបណ្តោយផ្លូវ ២៧១ ក្នុងទិសដៅពីត្បូងទៅជើង លុះពេលជិះដល់ចំណុចកើតហេតុស្រាប់តែមានរថយន្តធុនធំមួយគ្រឿង ម៉ាកហ៊ីយ៉ានដាយ ពណ៌ស ពាក់ស្លាកលេខ 3A 4775 ដឹកទំនិញ ដែលកំពុងបើកបរ ពីក្រោយបានបើកបុករ៉ឺម៉កប្រាវ បណ្តាលឲ្យរ៉ឺម៉កកង់បីក្រឡាប់ផ្ងារជើងច្រងាងនៅលើផ្លូវ នឹងបុរសជាម្ចាស់រ៉ឺម៉កត្រូវរងរបួសធ្ងន់ធ្ងរ ដឹកបញ្ជូនទៅសង្គ្រោះនៅមន្ទីរពេទ្យ ។ ចំណែករថយន្តព្យាយាមបើករត់គេចខ្លួន តែត្រួវសមត្ថកិច្ចនគរបាលប៉ុស្តិ៍ផ្សារដើមថ្កូវ ព័ទ្ធចាប់បានភ្លាមៗ ។
បន្ទាប់ពីកើតហេតុសមត្ថកិច្ចនគរបាលចរាចរណ៍ខណ្ឌចំការមន បានសហការជាមួយនគរបាលប៉ុស្តិ៍ផ្សារដើមថ្កូវ ចុះអន្តរាគមន៍វាស់វែងអូសយកទៅរក្សាទុកនៅអធិការដ្ឋាននគរបាលខណ្ឌរង់ចាំដោះស្រាយជាក្រោយ។ ប៉ុន្តែហេតុការណ៍នេះសមត្ថកិច្ចបានបញ្ជាក់ថាគ្រោះថ្នាក់នេះបង្កឡើងដោយសារម្ចាស់ រថយន្តបង្កបានបើកបរលឿនមិនមើលមុខមើលក្រោយ ទើបបណ្តាលឲ្យមានគ្រោះថ្នាក់នេះកើត ឡើងតែម្តង ៕ ជោគជ័យ
_________________
ប្រភពពី៖ ABC+
0 comments:
Post a Comment