កំពត ៖ ក្មេងប្រុសអាយុក្រោម១៥ឆ្នាំម្នាក់ បានក្លាយជាអ្នកទោសស្នេហា បន្ទាប់ពីគេបានល្បួងចាប់ក្មេងស្រីដែលមានអាយុស្របាលគ្នារំលោភរហូតបានសម្រេច កាលពីយប់ថ្ងៃទី១៥ ខែមិថុនា ឆ្នាំ២០១៣ វេលាម៉ោង២០និង៥នាទី ស្ថិតក្នុងភូមិត្រពាំងរុន ឃុំតាកែន ស្រុកឈូក ខេត្តកំពត ខណៈដែលក្មេងស្រីទៅមើលវីដេអូនៅផ្ទះអ្នកជិតខាង។
ជននេះត្រូវចោទពីបទរំលោភសេពសន្ទវះ ត្រូវបានសមត្ថកិច្ចឃាត់ខ្លួនកាលពីព្រឹកថ្ងៃទី១៦ខែមិថុនា ឆ្នាំ២០១៣ បន្ទាប់ពីធ្វើសកម្មភាពរំលោភមកលើក្មេងស្រីបានសម្រេចរួចមក។ សមត្ថកិច្ចនគរបាលព្រហ្មទណ្ឌខេត្តកំពតបានប្រាប់ឲ្យដឹងថា ក្មេងប្រុសដែលជាប់ចោទពីបទរំលោភខាងលើមានឈ្មោះ កែន ឡុង អាយុ១៤ឆ្នាំ មុខរបរជាសិស្ស ចំណែកក្មេងស្រីរងគ្រោះឈ្មោះ ច.ធ អាយុ១៤ឆ្នាំ ស្របាលគ្នា ដោយពួកគេមានលំនៅឋានក្បែរគ្នា ក្នុងភូមិត្រពាំងរុន ឃុំតាកែន ស្រុកឈូក។
ប៉ូលិសបានឲ្យដឹងផងដែរថា កាលពីវេលាដូចខាងលើ ក្មេងស្រីរងគ្រោះបានមកមើលវីដេអូនៅផ្ទះអ្នកជិតខាងក្នុងភូមិជាមួយ ដោយខណៈនោះក្មេងប្រុសជាមនុស្សកំហូចក៏នៅទីនោះដែរ លុះបានមួយស្របក់ស្រាប់តែបាត់មុខតែម្តង គាប់ជួនពេលនោះក៏មានអ្នកជិតខាងប្រទះឃើញគេកំពុងធ្វើសកម្មភាពចាប់រំលោភក្មេងស្រីរងគ្រោះនៅចំណុចក្រោយផ្ទះរបស់នាងដែលនៅមិនឆ្ងាយពីកន្លែងមើលវីដេអូនោះឡើយ ហើយគ្រានោះអ្នកភូមិក៏បានប្រាប់រឿងនេះដល់អាណាព្យាបាលក្មេងស្រីរងគ្រោះភ្លាមៗ ទើបអាណាព្យាបាលប្ដឹងទៅប៉ូលិសមូលដ្ឋានឲ្យឃាត់ខ្លួន និងប្រគល់ជូនច្បាប់ចាត់ការតាមនីតិវិធីច្បាប់។
នៅចំពោះមុខសមត្ថកិច្ចក្មេងប្រុសកំហូចបាននិយាយថា គេពិតជាបានចាប់រំលោភក្មេងស្រីរងគ្រោះរហូតបានសម្រេចមែន ព្រោះគេលួចខ្នាញ់ក្មេងស្រីនេះយូរហើយ ណាមួយដោយសារគេធ្លាប់លួចមើលវីដេអូស៊ិចតាមទូរស័ព្ទដៃជាញឹកញាប់ ទើបទ្រាំមិនបានហើយចង់ដឹងនូវរសជាតិស្នេហាតើវាឆ្ងាញ់ប៉ុណ្ណាទើបគេសាកល្បងចាប់ក្មេងស្រីនេះរំលោភតែម្តង ដឹងអីបែរជាត្រូវប៉ូលិសចាប់ដាក់ខ្នោះទាំងវ័យក្មេងខ្ចីបែបនេះ។
ក្រោយពីស្រង់ចម្លើយសមត្ថកិច្ចបានសាងសំណុំរឿងបញ្ជូនទៅសាលាដំបូងខេត្តកំពតចាត់ការតាមផ្លូវច្បាប់ នៅព្រឹកថ្ងៃទី១៧ ខែមិថុនា ឆ្នាំ២០១៣នេះ ហើយគេមិនដឹងថា ករណីរំលោភខាងលើតើតុលាការផ្ដន្ទាទោសបែបណា បើជនប្រព្រឹត្តិមានអាយុក្រោម១៥ឆ្នាំ ហើយក្មេងស្រីរងគ្រោះក៏នៅជាអនិតិជននៅឡើយដែរនោះ។ បច្ចុប្បន្នក្មេងស្រីដែលរងនូវអំពើរំលោភបំពានផ្លូវភេទខាងលើត្រូវអាណាព្យាបាល នាំយកទៅសង្គ្រោះនៅមន្ទីរពេទ្យរាជធានីភ្នំពេញ ដោយសារមានឈាមហូរតាមទ្វារមាសខ្លាំងពេក៕
ណា រិទ្ធ
ប្រភពពី៖ cambodiapage.info
