រថយន្តឡារ៉ាវែលមួយគ្រឿងបើកបុកយុវជនម្នាក់កំពុងជិះម៉ូតូគុបជ្រុងបណ្តាលឲ្យរងរបួស

4:56 PM

ភ្នំពេញ ៖ រថយន្តឡារ៉ាវែល មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 1671 ដែលបើកបរដោយបុរសម្នាក់ធ្វើដំណើរតាមបណ្តោយផ្លូវចេញពីស្ពានហង្សកោះពេជ្រ ក្នុងទិសដៅពីកើតទៅលិច លុះដល់ចំណុចកែងផ្លូវ សុធារស ក៏ស្រាប់តែជ្រុលល្បឿនទៅបុកនឹងយុវជនម្នាក់ដែលកំពុងជិះម៉ូតូមួយគ្រឿងម៉ាកគុបជ្រុង ពាក់ស្លាក លេខ ភ្នំពេញ 1S 2551 យ៉ាងពេញទំហឹង ដែលបណ្តាលឲ្យយុវជនជាម្ចាស់ម៉ូតូត្រូវរងរបួសនឹងម៉ូតូត្រូវរងការ ខូចខាត ។
សមត្ថកិច្ចបានឲ្យដឹងថា ហេតុការណ៍ខាងលើនេះកើតឡើងកាលពីវេលាម៉ោង ២០ នឹង៣០ នាទីយប់ថ្ងៃទី ១៣ ខែ មិថុនា នៅតាមបណ្តោយផ្លូវុសុធារស សង្កាត់ទន្លេបាសាក់ ខណ្ឌចំការមន។ ហើយក្រោយកើតហេតុនោះម្ចាស់រថយន្តបានចុះពីលើរថយន្ត នឹងស្រែកគំរាមមិនចង់ឲ្យអ្នកកាសែតថត យកទិដ្ឋភាពគ្រោះថ្នាក់ខាងលើនេះតែម្តង ។ ប៉ុន្តែទោះបីជាយ៉ាងណាក៏សមត្ថកិច្ចមូលដ្ឋានបានសហការជា នគរបាលខណ្ឌចំការមនចុះមកធ្វើការវាស់វែងនោះបានព្យាយាមសម្របសម្រួលរវាងភាគីទាំងពីរ ដោយមិនចង់ ឲ្យមានរឿងវែងឆ្ងាយ។
ប្រភពដដែលបានបន្តថាគ្រោះថ្នាក់នេះបង្កឡើងដោយសារម្ចាស់រថយន្តបានបើកបរក្នុងល្បឿន លឿន មិនគោរពសិទ្ធិគ្នាក្នុងការបើកបរ ទើបបង្កឲ្យកើតមានថ្នាក់នេះកើតឡើងតែម្តង ៕ ជោគជ័យ