យន្តហោះមួយគ្រឿងដែលដើរដោយថាមពលព្រះអាទិត្យបានចុះចតជោគជ័យ បន្ទាប់ពីត្រូវបានធ្វើការសាកល្បងហោះហើរជាលើកទី២ ក្នុងអាកាសយានដ្ឋាន ក្នុងស្រុកមួយជិតទីក្រុងវ៉ាស៊ីនតោន។ នេះបើតាមការឲ្យដឹងរបស់អ្នកចាត់ចែងទួទៅនៅក្នុងគម្រោងហោះ ហើរនេះ។
យន្ត ហោះនេះ មានផ្ទុកកៅអីតែមួយប៉ុណ្ណោះ ដោយបានបំពាក់ស្លាបចក្រចំនួន៤ ដើរដោយថាមពលថ្មពន្លឺព្រះអាទិត្យទំហំ ១២០០០ cell និងមានប្រវែងស្លាបទាំងសងខាងសរុប ៦៣ ម៉ែត្រ បានធ្វើការចុះចតនៅអាកាសយានដ្ឋានអន្តរជាតិ Dulles វេលាម៉ោង ១២:១៥ រំលងអធ្រាត្រ ម៉ោងក្នុងស្រុក។
តាមការអះអាងរបស់អ្នកចាត់ចែង ខាងលើបានឲ្យដឹងថា យន្តហោះនេះត្រូវអនុញ្ញាតឲ្យចុះចតនៅពេលយប់ នៅពេលដែលចរាចរណ៍ហោះហើរផ្លូវអាកាសមិនមានការមមាញឹកខ្លាំង។
ការហោះហើរនេះ ស្ថិតនៅក្រោមការបញ្ជាដោយអាកាសយានិកជនជាតិស្វីសគឺលោក Bertrand Piccard ដែលជាបុគ្គលមួយរូបមានបទពិសោធន៍ច្រើនខាងវិស័យអាកាសចរណ៍។ គាត់បានឲ្យដឹងថា វាដូចជារឿងងាយនៅពេលដែលយើងបានឃើញយន្តហោះមួយគ្រឿងនេះ។ ក៏ប៉ុន្តែលោកមានកិច្ចការច្រើនណាស់ដែលត្រូវធ្វើនៅពេលដែលចាប់ ផ្ដើមហោះហើរ។
ទោះបីជាយ៉ាងណាក៏ដោយ លោកបានបង្ហាញពីក្តីសង្ឃឹមដ៏មុតមាំពីសមិទ្ធផលដែលទទួលបាននេះ ពោលគឺយន្តហោះដែលប្រើប្រាស់ថាមពលព្រះអាទិត្យនេះ អាចជំនួសឲ្យការប្រើប្រាស់ប្រេងសាំងបានទៅថ្ងៃអនាគត។
យន្ត ហោះនេះនឹងត្រូវធ្វើការសាកល្បងហោះហើរក្នុងរយៈពេល២សប្ដាហ៍បន្ត ទៀត នៅជុំវិញទីក្រុងWashington និងត្រូវដាក់តាំងជាសាធារណៈនៅក្នុងសារមន្ទីរអាកាសចរណ៍Smithsonian ដើម្បីអនុញ្ញាតឲ្យទស្សនិកជនទាំងអស់អាចចូលរួមទស្សនាបាន៕
ប្រភពពី៖ NEWS4KH
ប្រភពពី៖ NEWS4KH
