ខេត្ដស្វាយរៀង ៖ ជនជាតិវៀតណាមប្រុសស្រី១០នាក់ រកស៊ីនាំភ្ញៀវចូលកាស៊ីណូ (៨៨៨សំរោង) នៅឃុំសំរោង ស្រុកចន្ទ្រាត្រូវបានសមត្ថកិច្ចចាប់ខ្លួន តាមពាក្យបណ្ដឹងថៅកែកាស៊ីណូពីបទ រំលោភសេចក្ដីទុកចិត្ដ ។
ករណីចាប់ខ្លួនជនជាតិវៀតណាមទាំង ១០នាក់នេះសមត្ថកិច្ចបានធ្វើឡើងកាល ពីវេលាម៉ោង៤រសៀលថ្ងៃទី២៤ ខែមិថុនា ឆ្នាំ២០១៣នៅចំណុចកាស៊ីណូខាងលើ ។
នគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ដស្វាយរៀង បានឱ្យដឹងថា ជនជាតិវៀតទាំង១០នាក់ ដែលឃាត់ខ្លួននេះជាអ្នករកស៊ីនាំភ្ញៀវ ចូលកាស៊ីណូដោយយកកម្រៃជើងសារ ប៉ុន្ដែពួកគេបានក្លែងពន្លើសចំនួនភ្ញៀវ នៅលើវិក្ដយបត្រ ។ ឧទារហណ៍ពួកគេ នាំភ្ញៀវបាន៣នាក់ តែបែរជាសរសេរ ក្នុងវិក្ដយបត្រ៥-៦នាក់ ដោយបានធ្វើ អស់រយៈពេលជិត៣ខែមកហើយ ។
តាមម្ចាស់បណ្ដឹងបានបញ្ជាក់ថា ទឹកប្រាក់ដែលពួកគេបានក្លែងបន្លំយកមាន ទាំងអស់ប្រមាណជាង៣ម៉ឺនដុល្លារដែលបានរកឃើញនៅក្នុងវិក្ដយបត្រ ។ ប្រភពបានបន្ដថា ជនសង្ស័យក្រោយ ពីឃាត់ខ្លួនសមត្ថកិច្ចបានកសាងសំណុំ រឿងបញ្ជូនទៅការិយាល័យអន្ដោប្រវេសន៍ នៃស្នងការដ្ឋានគរបាលខេត្ដដើម្បីសាកសួរបន្ដ ។
ជនសង្ស័យសមត្ថកិច្ចនៅពុំទាន់ ប្រាប់អត្ដសញ្ញាណរបស់ពួកគេឱ្យដឹងនៅឡើយទេ ខណៈមន្ដ្រីនគរបាលការិយា ល័យអន្ដោប្រវេសន៍កំពុងសាកសួរ តែតាមប្រភពពីមន្ដ្រីនគរបាលអន្ដោ ប្រវេសន៍បង្ហើបឱ្យដឹងថា ជនសង្ស័យខ្លះ បានសារភាពថា ខ្លួនពិតជាបានប្រព្រឹត្ដ ដូចការចោទប្រកាន់ប្រាកដមែន ៕
មើលបន្តនៅ: http://nokorwatnews.com
