បុរសម្នាក់ចង់ស្លាប់ តែបែរជានាំមនុស្ស ៤៧នាក់ស្លាប់ជាមួយគ្នា

កាលពីពេលថ្មីៗនេះ បុរសធ្វើអត្ដឃាតម្នាក់ បានដុតភ្លើង នៅលើឡានក្រុង ដែលជាឡានដឹកអ្នកដំណើរ ចេញពីធ្វើការត្រលប់មកផ្ទះ នៅទីក្រុង Xiamenខេត្ដ Fujian នៃប្រទេសចិន ដែលបានសម្លាប់មនុស្ស ៤៧នាក់ យោងទៅតាមសារព័ត៌មានក្នុងស្រុក។

យ៉ាងណាមិញ តាមការសើុបអង្កេតពីប៉ូលីស បានឲ្យដឹងថា បុរសនេះមានឈ្មោះថា Chen Shuizong អាយុប្រហែលជា ៦០ឆ្នាំ ហើយមូលហេតុនៃការអត្ដឃាតនេះ គឺដោយសារតែបុរសនេះមិនសប្បាយចិត្ដ នឹងជីវភាពរបស់ខ្លួន ដែលថ្ងៃកើតហេតុគឺថ្ងៃសុក្រ ទី ៧ ខែមិថុនា ឆ្នាំ ២០១៣។ នៅក្នុងនោះ បុរសវ័យចំណាស់នេះ បានប្រើប្រាស់សាំង ដែលខ្លួនយួរទៅលើឡានក្រុងនោះ ជាវត្ថុសម្រាប់ធ្វើឃាតខ្លួនឯង។  តាមសាក្សីនៅកន្លែងកើតហេតុ បាននិយាយថា ឡានក្រុងនេះ បានឆេះខ្ទេចក្នុងរយៈពេលតែ ១០នាទីប៉ុណ្ណោះ ដែលនៅក្នុងនោះក៏មានលឺសម្លេងផ្ទុះដូចគ្នា និងបានបង្កឲ្យមនុស្ស ៤៧ស្លាប់ និង ៣៤នាក់របួស។

តើប្រិយមិត្ដយល់យ៉ាងណា ដែលចង់សម្លាប់ខ្លួនឯងសោះ តែបែរជាបង្កឲ្យមនុស្សមួយចំនួនទៀតស្លាប់ទៅតាមខ្លួនឯងដែលនោះ?

ប្រភពពី៖ NEWS4KH