ភ្នំពេញ ៖ អ្នកលក់បបរសនៅលើ ចិញ្ចើមផ្លូវ រួមជាមួយនឹងភ្ញៀវដែលចូល ទៅស៊ី ម្នាក់ៗរត់បាតជើងសព្រាត ខណៈ ឃើញរថយន្ដកូរ៉ូឡា១គ្រឿងរេចង្កូត ឡើងមកលើខឿន រួចបុកកន្លែងលក់ដូរនោះ ។ ហេតុការណ៍ខាងលើនេះបានកើតឡើង កាលពីវេលាម៉ោង៣និង៤០នាទីរំលង អធ្រាត្រឈានចូលថ្ងៃទី២៨ ខែឧសភា ឆ្នាំ២០១៣ ស្ថិតនៅចំណុចមុខផ្ទះលេខ ៧៥Eo ផ្លូវកម្ពុជាក្រោម សង្កាត់មនោរម្យ ខណ្ឌ៧មករា ។
ក្នុងហេតុការណ៍នេះពុំមានមនុស្សណា ម្នាក់រងរបួសឬក៏បាត់បង់អាយុជីវិតឡើយ តែសម្ភារលក់ដូរជាច្រើនត្រូវបានរង ការខូចខាតហើយអ្នកចូលទៅហូបចុក និងអ្នកលក់បាននាំគ្នារត់យ៉ាងប្រសាច ។ ដោយឡែករថយន្ដបង្កហេតុបានខ្ទេចផ្នែក ខាងមុខលែងទៅណារួចផងដែរ ។
នគរបាលខណ្ឌ៧មករាបានឱ្យដឹងថា រថយន្ដបង្កហេតុជាប្រភេទរថយន្ដកូរ៉ូឡា ពណ៌ស្លែ ពាក់ស្លាកលេខ ភ្នំពេញ 2D-4833 ដែលក្នុងរថយន្ដនោះមានគ្នា២ នាក់ទាំងអ្នកបើក តែបានគេចខ្លួនបន្ទាប់ ពីកើតហេតុរួច ។
ប្រភពព័ត៌មានបានឱ្យដឹងថា មុន ពេលគ្រោះថ្នាក់គេបានឃើញអ្នកបើក រថយន្ដបង្កហេតុធ្វើដំណើរតាមបណ្ដោយ ផ្លូវកម្ពុជាក្រោមយ៉ាងលឿនក្នុងទិសដៅ ពីកើតឆ្ពោះទៅលិច ។ លុះមកដល់ចំណុច ខាងលើមិនដឹងថាអ្នកបើកបរងងុយដេក ឬក៏មានហូបជាតិស្រវឹងនោះទេ ក៏បាន រេចង្កូតងាកមកខាងស្ដាំដៃ រួចឡើងទៅ លើខឿនជ្រុលទៅបុកកន្លែងលក់បបរស ទាំងកំរោលតែម្ដង ។ ភ្លាមៗនោះអ្នក បើករថយន្ដបង្កហេតុក៏បានគេចចេញពី កន្លែងកើតហេតុ ដោយទុករថយន្ដនោះ នៅកន្លែងគ្រោះថ្នាក់ ហើយត្រូវបាននគរ បាលខណ្ឌ៧មករាស្ទូចយកទៅរក្សាទុក នៅអធិការដ្ឋាននគរបាលខណ្ឌ ៕
ប្រពភ ពី cambodiapage.info
0 comments:
Post a Comment