ភ្នំពេញ៖ ស្ត្រីម្នាក់បានសម្រេចចិត្តលោតចុះពីលើរថយន្តម៉ាកតាកូម៉ាពណ៌ស្ករ ពាក់ស្លាកលេខ ភ្នំពេញ 2U 1564 នៅចំណុចក្រោមស្ពានអាកាស៧មករា ស្ថិតក្នុងសង្កាត់ទឹកល្អក់ទី៣ ខណ្ឌទួលគោកកាលពីវេលាម៉ោង២និង៣០នាទីទាបភ្លឺថ្ងៃទី២៧ ខែឧសភា ឆ្នាំ២០១៣ ដោយសារមូលហេតុខឹងប្តី។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុរថយន្តខាងលើបើកបរតាមបណ្តោផ្លូវលេខ៥៩៨ ក្នុងទិសដៅពីជើងទៅត្បូង រួមដំណើរដោយបុរសនិងស្ត្រីម្នាក់ លុះដល់ចំណុចក្រោមស្ពានអាកាស៧មករា រថយន្តបានបង្អង់ល្បឿនដើម្បីបត់ឆ្វេងបំណងឆ្លងមកផ្លូវម្ពុជាក្រោម។ ខណៈនោះក៏មានស្ត្រីម្នាក់លោតចុះពីលើរថយន្តដោយមិនដឹងថាមានមូលហេតុអ្វីច្បាស់លាស់ឡើយ។ ប៉ុន្តែក្រោយពេលកើតហេតុភ្លាមៗស្ត្រីរូបនោះនិយាយគំរោះគំរើយថា គាត់ខឹងប្តីរបស់គាត់។
ទោះជាយ៉ាងណាក៏ដោយក្នុងហេតុការណ៍ខាងនេះបុរសជាប្តីបានឈប់រថយន្តស្រែកឡូឡាហើយអូសដៃប្រពន្ធឡើងជិះរថយន្តទៅបាត់តែម្តង៕ ជោគជ័យ
ប្រភព ABC +
0 comments:
Post a Comment